ସକଳ ଭାଷାର ଉତ୍ସ – ପ୍ରଫୁଲ୍ଲ ଚନ୍ଦ୍ର ମିଶ୍ର

ସମ୍ପାଦକ - ବଣମଲ୍ଲୀର ମହକ | ବ୍ଲଗ | ସଦ୍ୟ ପୋଷ୍ଟ

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

• ତୁମନାମେ କି ଭାଷାରେ

• ଲେଖିବି ଗୀତ , କଳା ସାଆନ୍ତ

• ତୁମେତ ସକଳ ଭାଷା ସକଳ ଉତ୍ସ ‌ ,

• ତୁମନାମେ କି ଭାଷାରେ…।।

•

• କୋଇଲି ଗୀତ ରେ ତୁମେ

• ତୁମେ ପୁଣି ଫୁଲବନେ

• ବସନ୍ତ,ଶୀତ ରେ ତୁମେ

• ତୁମେ ମଳୟ ପବନେ

• ନିଦାଘ ରେ ରୁଦ୍ର ରୂପୀ ହୁଅ ବିଦିତ ,

• ତୁମ ନାମେ କି ଭାଷାରେ… ।।

•

• ଜନମେ ମରଣେ ତୁମେ

• ହସରେ କାନ୍ଦରେ

• ଶୟନେ,ସପନେ,ଯାଗ-

• -ରଣେ, ସବୁଠାରେ

• ପ୍ରଜାପତି ରୂପୀ ସତେ ଆହା କି ବିଚିତ୍ର ,

• ତୁମ ନାମେ କି ଭାଷାରେ…।।

•

• ମଧୂପ ଗୁଞ୍ଜନେ ତୁମେ

• ବୀଣା ରାଗିଣୀ ରେ

• ସଂସାର ବନ୍ଧନେ ତୁମେ

• ଚପଳଛନ୍ଦା ରେ

• ହଳାହଳ କେବେ ପୁଣି ତୁମେତ ଅମୃତ ,

• ତୁମନାମେ କି ଭାଷାରେ…।।

•

• ସକାଳ କଅଁଳ ଖରା

• ଘନ କୁହୁଡି ରେ

• ଆକାଶ ନୀଳିମା ତୁମେ

• ନୀଳ ସାଗରରେ

• ସକଳାଦୀ ଅଧିଶ୍ଵର ଶରଣ ଦିଅତ ,

• ତୁମ ନାମେ କି ଭାଷାରେ….।।