ଫେରିଆସ ସାଥି ଫେରିଆସ

ଲେଖକ ପରିଚୟ

ସମ୍ପାଦକ - ବଣମଲ୍ଲୀର ମହକ | ବ୍ଲଗ | ସଦ୍ୟ ପୋଷ୍ଟ

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ଫେରିଆସ ସାଥି
କବିଶ୍ରୀ ପ୍ରଫୁଲ୍ଲ ଚନ୍ଦ୍ର ମିଶ୍ର, ମଙ୍ଗଳାଯୋଡି, ଖୋର୍ଦ୍ଧା
———- ——————– ———-
ଫେରିଆସ ସାଥି ଫେରିଆସ
ତୁମେ ଯିବା ଠାରୁ ମଳୟ ବହେନି
ମନ ବିଥିକା ରେ ଫୁଲତ ଫୁଟେନି
ମୁହଁ ରୁ ଲିଭି ଯାଇଛି ହସ
ଫେରିଆସ ସାଥି ଫେରିଆସ ।।

ମନ ସରସୀ ରେ ଫୁଟୁନାହିଁ ପଦ୍ମ
ମଧୁର ଶବଦେ ଉଡୁନାହିଁ ଭୃଙ୍ଗ
ପୀୟୂଷେ ଭରିଲା କିଏ ବିଷ,,
ଗାଁ ତୋଟା ମାଳ ଅବା ନଦୀକୂଳ
ଛିନା ଛିନା ଲାଗେ ଲାଗଇ ବିକଳ
ନିରାନନ୍ଦେ ଲାଗଇ ବିରସ
ଫେରିଆସ ସାଥି ଫେରିଆସ ।।

ପୁନିଅଁ ରାତିର ପବିତ୍ର ତିଥିରେ
ଜହ୍ନ ଢାଳେ ଜ୍ୟେତ୍ସ୍ନା ଧରଣୀ ଉପରେ
ଆସି ଅବା ରାହୁ କଲାଗ୍ରାସ,,
ନୀଳ ଆକାଶରେ ସହସା ଜୀମୂତ
ଘୋଟିଆସିଲା କି ବତାସ ସହିତ
ଲାଗଇ ସେପର ମନେ ତ୍ରାସ
ଫେରିଆସ ସାଥି ଫେରିଆସ ।।

ସକାଳ ଅରୁଣ କିରଣ ପ୍ରବଳ
ଜଳି ପୋଡ଼ି ଯାଏ ଅନ୍ତର ତଳ
ଖୋଜଇ ମୁଁ ତୋ ଶୀତଳ ସ୍ପର୍ଶ,,
ବଞ୍ଚିଛି ନିଥର ଉପଳ ପରାୟେ
ଆଶା ବୈତରଣୀ ସୁଖି ସୁଖି ଯାଏ
ଏ ଜୀବନେ ଆଉ ନାହିଁ ଆଶ
ଫେରିଆସ ସାଥି ଫେରିଆସ ।।


HTML tutorial

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ