ଦିନେ ତୁମେ ଫେରିବ – କାହ୍ନୁ ଚରଣ ସାହୁ

ଲେଖକ ପରିଚୟ

କାହ୍ନୁ ଚରଣ ସାହୁ
ପଣ୍ଡକାମାଳ, ମ.ରାମପୁର, କଳାହାଣ୍ଡି | + ଏହି ଲେଖକଙ୍କର ଅନ୍ୟ ଲେଖା ପଢିବାକୁ [ଏଠାରେ କ୍ଲିକ କରନ୍ତୁ]

ଶାଶ୍ୱତ ପ୍ରେମର ପରିଚୟ ଦେଇ
ଆପଣାର କରି ନେଲ
ସିଂଥିରେ ସିନ୍ଦୂର ହାତରେ କଙ୍କଣ
ଦେବାକୁ ଭରଷା ଦେଲ ।

ମୁକ୍ତ ଆକାଶର ବିହଙ୍ଗଟେ ଥିଲି
ବନ୍ଦୀ ତୁମେ କରିଦେଲ
ଶାଶ୍ୱତ ପ୍ରେମକୁ ସମ୍ମାନ ମୁଁ ଦେଲି
ତୁମେ ମତେ ଭୁଲି ଗଲ ।

ଗର୍ଭରେ ମୋହର ତୁମରି ସନ୍ତକ
ନୟନେ କୋହର ଜଳ
ବୁଝିଲନି ତମେ ପ୍ରେମର ମହତ୍ତ୍ୱ
ଅଧାବାଟେ ଛାଡ଼ି ଦେଲ ।

ଦୁନିଆ କୁହଇ କୁଆଁରି ଜନନୀ
ବିଶ୍ବାସେ ଜହର ଦେଲ
ପରିଚୟ ଦେବା ବାହାନାରେ ତମେ
କଳଙ୍କ ଯେ ବୋଳିଦେଲ ।

ଦିନେ ତୁମେ ଫେରିବ ସେ ଅପେକ୍ଷାରେ
ପ୍ରତୀକ୍ଷଣ ମୁହିଁ ଜଳେ
ପବିତ୍ର ପ୍ରେମକୁ କଳଙ୍କିତ କରି
ସନ୍ତାନ କୋଳରେ ଖେଳେ ।

One Reply to “ଦିନେ ତୁମେ ଫେରିବ – କାହ୍ନୁ ଚରଣ ସାହୁ”

Leave a Reply

Your email address will not be published. Required fields are marked *