ବାପା

ଲେଖକ ପରିଚୟ

ପ୍ରଫୁଲ୍ଲ ଚନ୍ଦ୍ର ମିଶ୍ର
ମଙ୍ଗଳଯୋଡି, ଖୋରଧା, ଓଡିଶା | ସଦ୍ୟ ପୋଷ୍ଟ

Read More

ବାପା
କବିଶ୍ରୀ ପ୍ରଫୁଲ୍ଲ ଚନ୍ଦ୍ର ମିଶ୍ର, ମଙ୍ଗଳାଯୋଡି, ଖୋର୍ଦ୍ଧା
———- ——————– ———-
ବାପା,
ମୋ ମନ ମନ୍ଦିରେ ଆସୀନ ଦେବତା ,
ଏ ଶରୀର ର ଅନନ୍ୟ ଶ୍ରଷ୍ଠା
ପରିପୂର୍ଣ୍ଣତାର ଏକ ଅମୂଲ୍ୟ ଶବ୍ଦ
ମୋ ଜୀବନ ଆକାଶ‌ ର ମୂର୍ତ୍ତିମନ୍ତ ଜୀବନ୍ତ ଆଦିତ୍ୟ ।।

ବାପା,
ଅସରନ୍ତି ଆଶା, ଅଭିଳାଷ ର
ନିଶ୍ଚିତ ଭରଷା
ଅନେକ ସ୍ଵପ୍ନ, ସମ୍ଭାବନା ର
ରୂପକାର ବାପା ।।

ବାପା,
ସତ୍ୟର ମହାନ ପ୍ରତୀକ
ଚକ୍ଷୁର ପ୍ରତିଟି ପଲକ
ଜୀବନ ଯାତ୍ରା ର
ପଥ ପ୍ରଦର୍ଶକ ।।

ବାପା,ବେଦର ପ୍ରଥମ ମନ୍ତ୍ର
ଜୀବନର ଅନ୍ତରୀକ୍ଷ
ସତ୍ୟ,ଧର୍ମ, ତପସ୍ୟା ର
ମହାନ୍ ନାୟକ
ବିଶ୍ଵାସର ସ୍ଵତ୍ସ ଆଲୋକ ।।

ବାପା, ସେ ତଥାଗତ,ସେ ସର୍ବଜ୍ଞ
ସାକ୍ଷାତ ବିରଞ୍ଚିନାରାୟଣ
ସେ ଅପାନ, ସମାନ, ଉଦାନ
ହୃଦୟ ର ପ୍ରତିଟି ସ୍ପନ୍ଦନ ।।

ବାପା, ମଜଭୁତ ଅଦ୍ଭୁତ
ଛାତ ତଳ ଶୀତଳିତ ଛାଇ
ଜୀବନ ଦୀପର ବଳିତା
ତିଳ ତିଳ ଜଳି ଜଳି ଆଲୋକ ବିତରେ
ସେମିତି କେ ଆଉ ନାହିଁ
ସେ ମୋ ଜୀବନ ଆକାଶ‌ ସବିତା
ବାପା ।।


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ