ପ୍ରୀତି ପ୍ରଣତି

ଲେଖକ ପରିଚୟ

ବାସନ୍ତୀଲତା ଜେନା
ଗାନ୍ଧୀନଗର, ନବରଙ୍ଗପୁର | ସଦ୍ୟ ପୋଷ୍ଟ

ଅନ୍ୟ ଲେଖାଗୁଡ଼ିକ ପଢନ୍ତୁ

ପ୍ରୀତି ପ୍ରଣତି
ବାସନ୍ତୀ ଲତା ଜେନା

ଏ ସାରା ଜଗତ ସ୍ରଷ୍ଟାଙ୍କର ସୃଷ୍ଟି
କି ସୁନ୍ଦର ମନୋହର
ଯୁଆଡେ ଚାହିଁଲେ ମନ ପୁରିଉଠେ
ସୌନ୍ଦର୍ଯ୍ୟର ଗନ୍ତାଘର l
ଯାହା ପାଇଁ ଯାହା ଦରକାର ହୁଏ
ସବୁ ଖଞ୍ଜି ଦେଇ ଅଛ
ସବୁରିଙ୍କ ମନ ବୁଝି ପାର ବୋଲି
ଅନ୍ତର୍ଯ୍ୟାମୀ ବୋଲାଉଛ l
ପ୍ରାଣୀ ଜଗତରେ ମନୁଷ୍ୟକୁ କଲ
ସର୍ବ ଶ୍ରେଷ୍ଠ ଉପହାର
ସେନେହ ପ୍ରେମର ମମତା ବନ୍ଧନେ
ପ୍ରୀତି ହେଲା ଅର୍ଘ୍ୟ ତାର l
ପ୍ରୀତିର ପ୍ରଣତି ପୂଜା ଅର୍ଚ୍ଚନାରେ
ଆବଶ୍ୟକ ହୋଇ ଥାଏ
ଦେବ ଗୁରୁଜନେ ଭକ୍ତି ପୁଷ୍ପାଞ୍ଜଳି
ପ୍ରଣତିରେ ପୂର୍ଣ୍ଣ ହୁଏ l
ମଙ୍ଗଳମୟ ହେ ସତ୍ୟ ସନାତନ
ତୁମ ପାଇଁ ଏ ଜଗତ
ତୁମରି କରୁଣା ଆଶିଷର ବାରୀ
ଢାଳି ଦିଅ ଅବିରତ l
ତୁମରି ସନ୍ତାନ ଆତୁରେ ବିଭୋର
ତୁମରି କରୁଣା ପାଇଁ
ଦୁଃଖ ଯାତନାରୁ ମୁକ୍ତି ଦିଅ ପ୍ରଭୁ
ଆଶିଷ ଟିକିଏ ଦେଇ l
ପୂଜା ମନ୍ତ୍ର କିଛି ଜାଣି ନାହିଁ ପ୍ରଭୁ
ଅବୋଧ ମୂର୍ଖ ସନ୍ତାନ
ଆଞ୍ଜୁଳାଏ ପୁଷ୍ପ ଅର୍ପୂଛି ତୁମକୁ
ନକରିବ ଅଭିମାନ l
ତୁମକୁ ଦେବାକୁ ଶକ୍ତି ମୋର ନାହିଁ
ସବୁତ ତୁମରି ଦାନ
ଭଙ୍ଗା କୁଡ଼ିଆରେ ଦୀପାଳି ଜାଳୁଛି
ରଖିଛି ତୋ ଠାରେ ମନ l
ଭଜନ ଜଣାଣ କିଛି ଜାଣି ନାହିଁ
ଉଚ୍ଚାରଣ ଖାଲି ନାମ
ଜୟ ଜଗନ୍ନାଥ ଆରତ ନାଶନ
ଘେନିବ ମୋର ପ୍ରଣାମ l
——-=——
ବାସନ୍ତୀ ଲତା ଜେନା
ଗାନ୍ଧିନଗର, ପୋଷ୍ଟ /ଜିଲ୍ଲା :
ନବରଙ୍ଗପୁର, ପିନ କୋଡ଼ :
764059
ମୋ :8658655979


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ