ଧୂଳି ସ୍ୱର୍ଗ – ପ୍ରମୋଦ କୁମାର ପଣ୍ଡା

ଲେଖକ ପରିଚୟ

ପ୍ରମୋଦ କୁମାର ପଣ୍ଡା
ବାଘମାରୀ, ଖୋରଧା | ସଦ୍ୟ ପୋଷ୍ଟ

Read More

ସରଗ ସୁଷମା ଓହ୍ଲାଇ ଆସିଛି
               ମୋ ଗାଁ ଦାଣ୍ଡରେ ଆହା
ସକାଳେ ସୂରୁଜ ବୁଣୁଛି ମୁରୁଜ
                ଘଞ୍ଚ ତରୁ ଫାଙ୍କେ ଯାହା
ସରଳା କିଶୋରୀ ଜଳ ଘଟ ଧରି
                 ଲେଉଟୁଛି ନିଜ ବାସେ
ସଲ୍ଲଜେ ତା ମୁଖ ଚନ୍ଦ୍ରମା ନୁଆଁଇ
                 ପଦ ଚାଳି ମନ୍ଦ ହାସେ
ସମୀରେ ବିତରେ ସୁଗନ୍ଧ ପ୍ରସୂନ
                 ଉପବନ ମଧ୍ୟେ ଫୁଟି
ସହକାରେ ଶୁଭେ କୋକିଳ ଆଳାପ
                 ଭୃଙ୍ଗ ମକରନ୍ଦ ଲୁଟି
ସରୋବରେ ହଂସ ହଂସରାଳୀ ମଧ୍ୟେ
                 କମଳ ଓ ନୀଳୋତ୍ପଳ
ସରାଗରେ ଅଳି ହୋଇ ସବୁ ମେଳି
                 ମଧୁ ଆହରଣେ ଭୋଳ
ସଗର୍ବେ ଦୋହଲି ତାଳ ନାରିକେଳ
                ଶୂନ୍ୟରେ ଟେକିଣ ମଥା
ସକଳ ପ୍ରାଣୀଙ୍କୁ ବଖାଣନ୍ତି ଧୀରେ
                 ଅତୀତ ଗୌରବ ଗାଥା
ସରି ସରି ଆସେ ଦିନ ମାସ ବର୍ଷ
                 ଋତୁଏ ଯାଆନ୍ତି ହଜି
ସମ୍ପର୍କର ଡୋର ଛିଣ୍ଡିଯାଏ ଦିନେ
                 ଚାହିଁ ବି ନପାଏ ଖୋଜି
ସରସ ସୁନ୍ଦର ବିଲ ବଣ ତୋର
                 ଅମୃତ ତୋ ଶଶ୍ୟ ଫଳ
ସଲୀଳ ତୋହରି ଅଟେ ଗଙ୍ଗା ବାରି
                 ପବନ ମଳୟ ତୁଲ୍ୟ
         ପ୍ରମୋଦ କୁମାର ପଣ୍ଡା, ବାଘମାରୀ, ଖୋର୍ଦ୍ଧା

HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ