ନାରୀ – ଏ ପି ଶୁଭକାନ୍ତ

ଲେଖକ ପରିଚୟ

ଏ ପି ଶୁଭକାନ୍ତ
ହରିପୁର, ଖଡ଼ିଆଙ୍ଗ, ଯାଜପୁର | ସଦ୍ୟ ପୋଷ୍ଟ

Read More

ମୁଁ ଦୁନିଆ ଆଗରେ ନାରୀ ।
କେବେ ଝିଅ କେବେ ଭଉଣୀ
ପୁଣି କେବେ ପତ୍ନୀ ସାଜି ଆସିଛି ଘରକୁ ପର କରି
ମୁଁ ଦୁନିଆ ଆଗରେ ନାରୀ ।

କେବେ ପ୍ରେମ ନାମେ କେବେ କର୍ମ କ୍ଷେତ୍ରେ
ସମସ୍ତେ ଚାଲିଛନ୍ତି ଅସଦାଚରଣ କରି
ମୁଁ ଦୁନିଆ ଆଗରେ ନାରୀ ।

କେବେ ଯୌତୁକ ଜୁଇରେ କେବେ ମାତୃ ଗର୍ଭେ
ଏ ସମାଜ ଦିଏ ମୋତେ ମାରି
ମୁଁ ଦୁନିଆ ଆଗରେ ନାରୀ ।

ରାମାୟଣ ଅପହରଣ ମହାଭାରତ ବସ୍ତ୍ରହରଣ
ପ୍ରତିଯୁଗେ ରହିଥାନ୍ତି ଦୂରାଚାରୀ
ମୁଁ ଦୁନିଆ ଆଗରେ ନାରୀ ।

ପାପନାଶ ପାଇଁ ଏ ଧରାଧାମରେ
ଦେବୀ ରୂପେ ଆସିଛି ମୁଁ ଅବତରି
ମୁଁ ଦୁନିଆ ଆଗରେ ନାରୀ ।

ଭାବିବନି କେବେ ତୁଛ ବୋଲି ମୋତେ
ମୋ ବିନା ଏ ସୃଷ୍ଟି ଶୂନ୍ୟ ପରି
ମୁଁ ଦୁନିଆ ଆଗରେ ନାରୀ ।

ଟିକିଏ ସ୍ନେହ ଶ୍ରଦ୍ଧା ଆଉ ସମ୍ମାନ ପାଇଁ
ସମାଜ ଆଗରେ କରେ ଗୁହାରୀ
ମୁଁ ଦୁନିଆ ଆଗରେ ନାରୀ ।

ଏ ପି ଶୁଭକାନ୍ତ
ହରିପୁର ଖଡ଼ିଆଙ୍ଗ, ଯାଜପୁର – ୭୫୫୦୪୯
ମୋ – ୮୨୮୦୧୩୦୬୦୫


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ