ସେଇ ଆତଙ୍କିତ ରାତି – ଲକ୍ଷ୍ମୀନାରାୟଣ ପଟ୍ଟନାୟୟକ

ଲେଖକ ପରିଚୟ

ଲକ୍ଷ୍ମୀନାରାୟଣ ପଟ୍ଟନାୟକ
ମଙ୍ଗଳାଯୋଡି, ଖୋରଧା, ଓଡିଶା | ସଦ୍ୟ ପୋଷ୍ଟ

ଅନ୍ୟ ଲେଖାଗୁଡ଼ିକ ପଢନ୍ତୁ

କାହିଁକି କେଜାଣି
ସେଦିନର ଅସ୍ତଗାମୀ ସୂର୍ଯ୍ୟଟା,
ପାଲଟି ଯାଇଥିଲା ରକ୍ତମୁଖା
ବିରସ ବି ଲାଗୁଥିଲା ଜହ୍ନର ମୁହଁଟା…
ଭୟରେ ଥରି ଯାଉଥିଲେ
ନିର୍ଜନ ଆକାଶର କଅଁଳା ତାରା ପୁଞ୍ଜାକ,
ପେଟ ପାଟଣାର ସଂସାରରୁ
ବିଶ୍ରାମ ନେଉଥିଲେ
ହିରୋସୀମା ନାଗାସାକିର
ନିରୀହ ମଣିଷ ଗୁଡାକ…

ଅବୁଝା ଥିଲା ତା’ପାଇଁ
ଆତଙ୍କିତ ରାତ୍ରିର ଅଜଣା ବିସ୍ଫୋରଣ
ମାଆର ପଣତ ତଳେ,
ମୁହଁ ଲୁଚେଇ ନିରୀହ କଅଁଳା ଶିଶୁଟି
ସ୍ତନ୍ୟପାନ କରୁଥିଲା ବେଳେ…
ଭାସି ଆସୁଥିଲା
ପରମାଣୁର ଉତ୍କଟ ଗନ୍ଧ
ରଚି ଚାଲିଥିଲା
ଧ୍ଵଂସ ବିଭୀଷିକାର ରଣ ତାଣ୍ଡବ
ସମଗ୍ର ବାୟୁମଣ୍ଡଳରେ,
ଜଳି ଯାଉଥିଲେ ଶହ ଶହ
ନିରୀହ ନିର୍ଦ୍ଦୋଷୀ ମଣିଷ ଗୁଡାକ
ଲେଲିହାନ ଶିଖାର ବିଷାକ୍ତ ଜ୍ଵଳନରେ…

ଲକ୍ଷ୍ମୀନାରାୟଣ ପଟ୍ଟନାୟୟକ
ମଙ୍ଗଳାଯୋଡି, ଖୋରଧା, ଓଡିଶା
ଦୂରଭାଷ – ୯୮୬୧୬୧୬୧୨୬


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ