ଅଶାନ୍ତ ସମୁଦ୍ର – ଲକ୍ଷ୍ମୀନାରାୟଣ ପଟ୍ଟନାୟୟକ

ଲେଖକ ପରିଚୟ

ଲକ୍ଷ୍ମୀନାରାୟଣ ପଟ୍ଟନାୟକ
ମଙ୍ଗଳାଯୋଡି, ଖୋରଧା, ଓଡିଶା | ସଦ୍ୟ ପୋଷ୍ଟ

ଅନ୍ୟ ଲେଖାଗୁଡ଼ିକ ପଢନ୍ତୁ

ମାଡି ଆସୁଥିଲା
ଅଶାନ୍ତ ସମୁଦ୍ରର ନଭଶ୍ଚୁମ୍ବୀ ଜୁଆର,
ପୈଶାଚିକ ରୂପ ଧାରଣ କରି
କ୍ଷତାକ୍ତ କରି ଚାଲିଥିଲା
ରକ୍ତମୁଖା ଭାରତ ମହାସାଗର… ॥

ପ୍ରକୃତିର ରଣ ତାଣ୍ଡବରେ
ନିଶ୍ଚିହ୍ନ ହୋଇ ଯାଉଥିଲେ
ଲକ୍ଷ ଲକ୍ଷ ଆଣ୍ଡାମାନବାସୀ,
ନିରବୀ ଯାଇଥିଲା
ଶିଶୁଟିର କୁଆଁ କୁଆଁ ରାବ…,
ମହାସାଗରର ଅଥଳ ଗର୍ଭରେ
ନିରୁଦ୍ଦିଷ୍ଟ ହୋଇ ଯାଇଥିଲେ
ବନ୍ଧୁ ଠାରୁ ବନ୍ଧୁ
ମାଆ ଠାରୁ ଶିଶୁ
ଭାଇ ଠାରୁ ଭଉଣୀ
ପୁଣି ସ୍ତ୍ରୀ ଠାରୁ ସ୍ଵାମୀ,
ଆଖି ଆଗରେ କେବଳ
ଭାସୁଥିଲା କୁଢ କୁଢ ଶବ… ॥

ଝଡ ପରର ନିରବତ୍ତା
କାନେ କାନେ କହି ଯାଉଥିଲା
ପ୍ରକୃତିର ଭୟାନକ ଦୃଶ୍ୟ,
ମହାସାଗର ସହିତ
ଏକାକାର ହୋଇଯାଇଥିବା
ଭିଟାମାଟିକୁ ଠାବ କରୁ କରୁ
ମୁକ ପାଲଟି ଯାଇଥିଲେ
ଅଳ୍ପକେ ବର୍ତ୍ତି ଯାଇଥିବା
ଆଣ୍ଡାମାନର ହତଭାଗା ମଣିଷ… ॥

ଲକ୍ଷ୍ମୀନାରାୟଣ ପଟ୍ଟନାୟୟକ
ମଙ୍ଗଳାଯୋଡି, ଖୋରଧା, ଓଡିଶା
ଦୂରଭାଷ – ୯୮୬୧୬୧୬୧୨୬


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ