କିଏ ଦାୟୀ – ସରୀତା ମହାନ୍ତି

ଲେଖକ ପରିଚୟ

ସରିତା ମହାନ୍ତି
ବାସୁଦେବପୁର, ବାଲିଆପାଳ, ବାଲେଶ୍ୱର | ସଦ୍ୟ ପୋଷ୍ଟ

Read More

ସୃଷ୍ଟି ସଂରଚନା କରିଅଛ ପ୍ରଭୁ
ଅମୂଲ୍ୟ ସମ୍ପଦ ଦେଇ,
ମାନବ ସମ୍ପଦ ଶ୍ରେଷ୍ଠ ସମ୍ପଦ ଯେ
ବୁଝୁ ନାହିଁ ଆଜି କେହି  ।

ସବୁ ସମ୍ପଦକୁ ଚାଳନା ପାଇଁକି
ମଣିଷକୁ ଛାଡିଦେଲୁ,
ଶ୍ରେଷ୍ଠ ଜୀବବୋଲି ଆଖ୍ୟା ଦେଇଦେଇ
ଆଢୁଆଳେ ରହିଗଲୁ  ।

ସବୁ ସମ୍ପତ୍ତିର ଅପଚୟ ଆଜି
ମଣିଷଯେ କରୁଅଛି,
ହେଉଅବା ଜଳ ହେଉ ସେ ଖଣିଜ
ଇଙ୍ଗିତ ସେ ମଣୁଅଛି   ।

ଅରଣ୍ୟ ସମ୍ପଦ ଲୋଟି ନେଉଛନ୍ତି
କର୍ତ୍ତା ଯିଏ ଦେଖୁଅଛି,
ହାତଗୁଞ୍ଜାଦେଇ କାଠସବୁପରା
ନିଜ ସ୍ୱାର୍ଥେ ଲଗାଉଛି   ।

ବୁଝୁନି ମଣିଷ ଡାକୁଛି ବିପଦ
ଭୋଗୁଅଛି କର୍ମଫଳ,
ପୁକ ମାଛିପରି ମରୁଛିମଣିଷ
କର୍ମ ତା କରୁଛି କାଳ ।

ଦୈବୀ ଦୁର୍ବୀପାକ ନାମଦେଉଅଛି
ଏହା ଯେ ସମ୍ପୂର୍ଣ୍ଣ ମିଥ୍ୟା,
ନିଜ ସ୍ୱାର୍ଥପାଇଁ ବିପଦକୁ ଡାକି
ନିଜକୁ କରେ ସେ ହତ୍ୟା  ।

ଅସରନ୍ତି ସମ୍ପଦ ଭାବୁଅଛି ସେ
ଜୀବନରେ ସରିବନି,
ବସି ଖାଇଲେଯେ ନଈବାଲି ସରେ
ଏ କଥା ମନେ ରଖୁନି   ।

ସବୁ ସମ୍ପତ୍ତିର ଅପଚୟ ଆଜି
ମାନବଯେ କରୁଅଛି,
ନିଜକର୍ମ ଫଳ ଭୋଗୁଅଛି ବୋଲି
ମନେ  ତାର ନ ପଡୁଛି   ।

ସବୁ ବିପତ୍ତିକୁ ଆମନ୍ତ୍ରଣ ପରା
ମଣିଷଯେ କରୁଅଛି,
ବିଧାତା ଘଟିଲା କାହିଁକି ଏମିତି
ବିଭୁଙ୍କୁ ପ୍ରଶ୍ନ କରୁଛି  ।

ଜଙ୍ଗଲକୁ କାଟି ଅଟ୍ଟାଳୀକାମାନ
ଆକାଶକୁ ଛୁଉଁଛନ୍ତି,
ବାତ୍ୟା ମହାବାତ୍ୟା କାହିଁକି ଆସୁଛି
ନିଜେ ବୁଝି ନପାରନ୍ତି   ।

ଜଳହିଁ ଜୀବନ ଜାଣିମଧ୍ୟ ଆଜି
ଅପଚୟ ହେଉଅଛି,
ସଂରକ୍ଷଣ କଥା ପାଶୋରିଣ ଦେଇ
ତା କାମ କରିଯାଉଛି  ।

କଳକାରଖାନା ଗଢିଉଠୁଅଛି
ପ୍ରଦୁଷଣ ବଢୁଅଛି,
ମହାବାତ୍ୟା,ହୁଡୁହୁଡି, ଫାଇଲିନି
ତିତିଲିବି  ଆସୁଅଛି   ।

ଏ ସବୁ ପାଇଁକି ଦାୟୀଯେ ମାନବ
ଆଖିଥାଇ ଅନ୍ଧ ଆଜି,
ପରୋକ୍ଷରେ ନିଜ କ୍ଷତି କରୁଅଛି
ବୁଦ୍ଧି ତା ଦେଉଛି ହଜି  ।

ମଣିଷ ଜୀବନ ଆତଙ୍କିତ ଆଜି
ଡରିଡରି ଜିଉଛନ୍ତି,
ମାନବ ସମ୍ପଦ ଶ୍ରେଷ୍ଠ ସମ୍ପଦଯେ
ସବୁ ଜାଣି ପାରୁଅଛି   ।

ହୁଅରେ ସଜାଗ ଆଜିର ମାନବ
ତୋ ପାଖେ ସବୁ ସମ୍ଭବ,
ସବୁ ସମ୍ପଦକୁ ସୁରକ୍ଷାତୁ କର
ବଦଳା ନିଜ ସ୍ୱଭାବ  ।

ନିଜପାଇଁ ନିଜେ ଦାୟୀ ତୁ ହୋଇବୁ
ବିପଦ ଦ୍ୱାରସ୍ଥ ହେବ,
ବେଳୁହିଁ ଗୋବିନ୍ଦ ସୁମରି ପାରିଲେ
ବିପଦ ତୋ ଘୁଞ୍ଚିଯିବ   ।

ସରୀତା ମହାନ୍ତି, ଶିକ୍ଷୟିତ୍ରୀ
ବାଲିଆପାଳ, ବାଲେଶ୍ୱର


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ