ଲାଖିଗଲା ଏଇ ମନ – ବି.ନିରୁପମା

ଲେଖକ ପରିଚୟ

ବି.ନିରୁପମା
ମାମୁରିଆ, ଛେଣ୍ଡିପଦା, ଅନୁଗୋଳ | ସଦ୍ୟ ପୋଷ୍ଟ

ଏ ଶ୍ୟାମ ସୁନ୍ଦର କିମିଆ କରିଛି
ସେଇଦିନ ଠାରୁ ସଖି ,
ଯୋଉଦିନ ଠାରୁ ତାଆରି ଉପରେ
ପଡ଼ି ଯାଇଛି ମୋ ଆଖି ।
ଲୁଟି ନେଇଛି ସେ ସକଳ ଭାବନା
କେଉଁଠି ଲାଗେନା ମନ ,
ଏକାଗ୍ର ଚିତ୍ତରେ କୃଷ୍ଣ କଥା ଭାଳି
ସାରୁଅଛି ରାତି ଦିନ ।
କିଏ କି କହିଲା-କାହାର କି ଗଲା
ସେଥିରେ ନ ଜଡ଼େ ଚିତ୍ତ ,
ସହଜରେ ବୁଝି  ପାରେନା ମୁଁ  ସଖି-
କିଏ ମୋ ଭଗାରୀ-ମିତ !!
ସବୁକିଛି ମୋତେ ଦିଶେ କୃଷ୍ଣମୟ 
ନାହିଁ ହିତାହିତ ଜ୍ଞାନ ,
କଲା କି କୁହୁକ,ତାଆରି ପ୍ରେମରେ
ଲାଖିଗଲା ଏଇ ମନ ।
ମାମୁରିଆ, ଛେଣ୍ଡିପଦା, ଅନୁଗୋଳ ।

HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ