କରୋନା କରୋନା ହୁରି ପଡୁଅଛି – ରମେଶ ଚନ୍ଦ୍ର ମିଶ୍ର

ଲେଖକ ପରିଚୟ

ରମେଶ ଚନ୍ଦ୍ର ମିଶ୍ର
ସମ୍ପାଦକ - ତ୍ରିଧାରା ସାହିତ୍ୟ ସଂସଦ, ବଇଣ୍ଡା, ଅନୁଗୋଳ | ସଦ୍ୟ ପୋଷ୍ଟ

ଅନ୍ୟ ଲେଖାଗୁଡ଼ିକ ପଢନ୍ତୁ

କରୋନା କରୋନା ହୁରି ପଡୁଅଛି
ବିଶ୍ବର କୋଣେ କୋଣେ
ଆଶଙ୍କାର କଳା ବାଦଲ ଘୋଟିଛି
ମୃତ୍ୟୁର ଭୟ ମନେ । ୧

କରାଳ ମୁଖକୁ ବିସ୍ତାର କରି
ଅଦୃଶ୍ୟ ଅରି ଧାଏଁ
ହୃଦୟ ତନ୍ତ୍ରୀ ଥରାଇ ଥରାଇ
ମୃତ୍ୟୁ କବିତା ଗାଏ । ୨

ମଣିଷ ଭିତରେ ବିଶ୍ବାସ ଭଳି
ଅମୂଲ୍ୟ ଦରବ ଲୁଟେ
ଆପଣା ମଣିଷୁ ଆପଣାର ପଣ
ନିମିଷକେ ସତେ ତୁଟେ । ୩

ଜାତି ଅଜାତିର ଛୁଆଁ ଛୁଇଁ ଭାବ
ସମାଜରୁ ସିନା ଗଲା
ଆତ୍ମୀୟ ସହ ମିଶି ଚଳିବାର
କଟକଣା ପହଞ୍ଚିଲା । ୪

ଜୀବନ ଜୀଇଁବା ଆଶାର ସୂରୁଜେ
ନିରାଶା-ବାଦଲ ଢାଙ୍କେ
ମନ-କାଗଜରେ ହୃଦଥରା ଛବି
କେଉଁ ନିରିମମ ଆଙ୍କେ । ୫

ପ୍ରତିଟି ମୁହୂର୍ତ୍ତ ଭୟ ବିଜଡିତ
କର୍ଣ୍ଣ କୁହର କ୍ଳାନ୍ତ
ମୃତ୍ୟୁ ଖବର ଚେତନା ଚୋରାଇ
କରିସାରିଲାଣି ଶ୍ରାନ୍ତ । ୭

କେବେ ହଜିଯିବ ଏ କଳା ବାଦଲ
ଥମିଯିବ ଝଡ ରାତି
ବିଶ୍ବ-ଆକାଶେ ନବୀନ ତପନ
ପ୍ରାଣରେ ଭରିବ ଶାନ୍ତି ! ୮

ଆଗ ଭଳି ପୁଣି ଜୀଇଁବ ମଣିଷ
ବିଶ୍ବାସ ପୁଞ୍ଜି କରି
ସ୍ନେହ ସରାଗର ମନ୍ତ୍ର ତାନରେ
ବିଶ୍ବ ଉଠିବ ପୂରି ! ୯

ରମେଶ ଚନ୍ଦ୍ର ମିଶ୍ର,
ତାପସ କୁଟୀର, ବଇଣ୍ଡା,
ଅନୁଗୋଳ, ମୋ-୯୪୩୮୪୮୧୧୩୬


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ