କବିତା – ତୋତେ ଟିକେ ଭେଟିବାକୁ

ଲେଖକ ପରିଚୟ

ବି.ନିରୁପମା
ମାମୁରିଆ, ଛେଣ୍ଡିପଦା, ଅନୁଗୋଳ | ସଦ୍ୟ ପୋଷ୍ଟ
ତୋତେ ଟିକେ ଭେଟିବାକୁ
                  ବି. ନିରୁପମା
କେତେ ଆଶା ନେଇ ଧାଇଁ ଆସିଛି ମୁଁ
ତୋତେ ଟିକେ ଭେଟିବାକୁ ,
ରାଜି ହେବୁ କି ଲୋ ମୋ ସାଥିରେ ଆଜି
ବେଳ ଟିକେ କାଟିବାକୁ ।(ଘୋଷା)
ଭାରି ମନେପଡ଼େ ତୋ କଥା ଲୋ ମୋର
ନିରୋଳାରେ ଯେବେ ଥାଏ ,
ପିଲାବେଳେ କେତେ ଖେଳୁଥିଲେ ମିଶି
ସକାଳରୁ ସଞ୍ଜ ଯାଏ ।
ପଢ଼ା ବେଳ ହେଲେ ପୋଖରୀରେ ବୁଡ଼ି 
ଧାଉଁଥିଲେ ପଢ଼ିବାକୁ ।(୧)
ରାଜି ହେବୁ କି ଲୋ ମୋ ସାଥିରେ ଆଜି
ବେଳ ଟିକେ କାଟିବାକୁ….
ନାକ କାନ୍ଦୁରି ତୁ ଅଛୁ କି ସେମିତି
ଏବେ ବଦଳି ଗଲୁଣି ,
ମନେ ଅଛିକିନା ଧୂଳିଖେଳ କଥା
ତାକୁ ପାସୋରି ଦେଲୁଣି ।
ମିଛିମିଛିକା ତୁ ଭାତ-ତିଅଣ ଲୋ
ଦେଉଥିଲୁ ଖାଇବାକୁ ।(୨)
ରାଜି ହେବୁ କିଲୋ ମୋ ସାଥିରେ ତୁହି
ବେଳ ଟିକେ କାଟିବାକୁ….
କେତେ ଆଶା ନେଇ ଧାଇଁ ଆସିଛି ମୁଁ
ତୋତେ ଟିକେ ଭେଟିବାକୁ….
ମାମୁରିଆ, ଛେଣ୍ଡିପଦା,ଅନୁଗୋଳ ।

HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ