ହଜି ଯାଇଛି ମୋ ପ୍ରୀତିର ଠିକଣା – ଲକ୍ଷ୍ମୀନାରାୟଣ ପଟ୍ଟନାୟକ

ଲେଖକ ପରିଚୟ

ଲକ୍ଷ୍ମୀନାରାୟଣ ପଟ୍ଟନାୟକ
ମଙ୍ଗଳାଯୋଡି, ଖୋରଧା, ଓଡିଶା | ସଦ୍ୟ ପୋଷ୍ଟ

ଅନ୍ୟ ଲେଖାଗୁଡ଼ିକ ପଢନ୍ତୁ

ଥିଲ ମୋ ପ୍ରେମର ଫୁଲ ବଗିଚାରେ
ହୋଇ ପ୍ରୀତି ଫୁଲଟିଏ
ମହକାଉ ଥିଲ ତୁମ ବାସନାରେ
ଦେଇ ପ୍ରେମ ମୂଲଟିଏ

ଶ୍ରାବଣରେ ଆମେ ଦୁହେଁ ଭିଜୁଥିଲେ
ବରଷାର ଧାରା ହୋଇ
ଫଗୁଣର ବାସ୍ନା ଚହଟାଉ ଥିଲା
ନେଉଥିଲା ମନ ମୋହି

କାଳ ବୈଶାଖୀ ତୁମେ ପାଲଟିବ
ଏକଥା ନଥିଲି ଜାଣି
କି ଲାଭ ପାଇଲ ନିଃସ୍ଵ କରି ମତେ
ଆଉ କାହା ମନ ଜିଣି

ପ୍ରୀତି ଉପବନ ନୀରବ ମଉନ
ଶୁଭୁନାହିଁ ସେ ରାଗିଣୀ
ହଜି ଯାଇଛି ମୋ ପ୍ରୀତିର ଠିକଣା
ନିଜକୁ ଶବ ଟେ ମଣି

ପ୍ରତୀକ୍ଷା ଯେ ମୋର ଜନ୍ମ ଜନ୍ମାନ୍ତର
ନାହିଁ ତିଳେ ଆବିଳତା
ଦେଖିନିଅ ଥରେ ମଶାଣି ଜୁଇରେ
ଜଳୁଛି ମୋହର ଚିତା


ଲକ୍ଷ୍ମୀନାରାୟଣ ପଟ୍ଟନାୟକ
ମଙ୍ଗଳାଯୋଡି, ଖୋରଧା, ଓଡିଶା
ଦୂରଭାଷ: ୯୮୬୧୬୧୬୧୨୬


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ