ମୌନତାର ଆଭରଣ – ରାଜେଶ କୁମାର ମୁଣ୍ଡ

ଲେଖକ ପରିଚୟ

ରାଜେଶ କୁମାର ମୁଣ୍ଡ
ଧର୍ମଗଡ, କଳାହାଣ୍ଡି | +

ଅନ୍ୟ ଲେଖାଗୁଡ଼ିକ ପଢନ୍ତୁ

ଏହି ବିଷୟଟି 2 ଜଣ ପାଠକ ପଢି ସାରିଛନ୍ତି

ଦେଖିଛ କି …
ଏଭଳି ଏକ ଆକାଶ, ଯୋଉଠି
ଅନେକ ଆଶାର ଆଲୋକ
ଆଉଟୁ ପାଉଟୁ ହେଉଥିବେ ଅଂଧାରରେ,
ଏଭଳି ଏକ ବିଶ୍ୱାସ
ଯୋଉଠି ଗୁଞ୍ଜରଣ ହେଉଥିବ
ଆଖି ବନ୍ଦ ଭଲ ପାଇବା,
ଏଭଳି ଏକ ସମୁଦ୍ର
ଯୋଉଠି
ଅସଂଖ୍ୟ ଜୁଆର ଥିଲେ ବି
ଥିବ ମୌନତାର ଆଭରଣ ।

ଫୁଲଟେ ସିନା
ଫୁଟିବା ଆଗରୁ ମହକେନି,
ହେଲେ ଜୀବନଟେ
ଜିଇଁବା ଆଗରୁ ଜିଇଁଉଠେ
ଅସଂଖ୍ୟ କାମନା ।

ମୁଁ କିନ୍ତୁ ଦେଖିଛି
ଅସଂଖ୍ୟ ସୁନା ମାଛ ଖେଳୁଥିବା
ସେଇ ଶୁଷ୍କ ହ୍ରଦକୁ,
ଯା’ କିନାରାରେ
ମହକୁଥାଏ ମହୁଲ ଫୁଲର
ମଦମତ୍ତ ବାସନା, ଆଉ
ତୁମ ଅଶ୍ରୁଳ ଆଖିରେ ..
ରୂପାୟିତ ଛବିଳ ସ୍ବପ୍ନ ।


ଧର୍ମଗଡ଼, କଳାହାଣ୍ଡି

HTML tutorial

ଅଧିକ ନୂଆ ପୋଷ୍ଟ ଗୁଡିକୁ ପଢନ୍ତୁ

0 0 ରିଭିୟୁ ଗୁଡିକ
Article Rating
ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 Comments
Inline Feedbacks
ସମସ୍ତ କମେଣ୍ଟ ଦେଖନ୍ତୁ