ପ୍ରକୃତିର ବିଳାପ – ପବିତ୍ର କୁମାର ନାୟକ

ଲେଖକ ପରିଚୟ

ସମ୍ପାଦକ - | ବ୍ଲଗ | ସଦ୍ୟ ପୋଷ୍ଟ

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ବୈଶାଖର ଝାଞ୍ଜି ଅବିରତେ ବହେ
ବରଷାର ଦେଖା ନାହିଁ
ଅଳପ ବରଷି ବଉଦ ରୁଷିଛି
ଅଭିମାନ ଛାଡୁ ନାହିଁ !

ସପନ ସାଜିଛି ସେକାଳ ଝଡି ଯେ
ଅଦିନେ ଆସଇ ଝଡ଼
ଧାରା ଶ୍ରାବଣର ମୁଷଳ ଧାରାଟି
ଭୁଲି ଗଲାଣି ତା’ନୀଡ଼ !

ଅଧା ବାଟେ ଆଜି ଅଟକି ଯାଉଛି
କାହିଁକି ପଚାର ଥରେ
ଅଦିନେ ବରଷି ଅକାରଣେ କାହିଁ
ବନ୍ୟା ଭିଆଏ ମରୁରେ !

ନାହିଁ ସେ ବରଷା ନା ଅଛି ଶରତ
ନା ଅଛି ଚୋରା ଚଇତି
ରହିଛି କେବଳ ଧରଣୀ ବୁକୁରେ
ଗ୍ରୀଷ୍ମର ଅସହ୍ୟ ତାତି !

ହେମନ୍ତ ଅସ୍ତିତ୍ବ କେବେଠୁ ହଜିଛି
ବସନ୍ତ ଗୁମୁରି କାନ୍ଦେ
ପଥହରା ହୋଇ ସର୍ବସ୍ବ ହରାଇ
ମଳୟ ପଡ଼ିଛି ଦ୍ୱନ୍ଦେ !

ଯାହାସବୁ ଘଟେ ଆମରି ଯୋଗୁଁ ତ
ଏକଥାକୁ ଭୁଲି ଯାଅନି
ନୀରବତା ମନେ ଚେତେଇ ଦେଉଛି
ଅଭିମାନୀ ଏ ମେଦିନୀ !

ଶ୍ରୀହୀନ ଯେ ଆଜି ବସୁମତୀ ରାଣୀ
ନାହିଁ ତାର ପୂର୍ବ ଠାଣି,
ସର୍ବେ ଏକମନେ ରୋପିଦେଲେ ବୃକ୍ଷ
ଫେରିବ ଅତୀତ ପୁଣି !


ପବିତ୍ର କୁମାର ନାୟକ,
କେଲୁଆପଲ୍ଲୀ, ଗଞ୍ଜାମ


HTML tutorial

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ