ତୃଷାର୍ତ୍ତ ସୂର୍ଯ୍ୟ – ଡକ୍ଟର ମମତା ପ୍ରିୟଦର୍ଶିନୀ ସାହୁ

ଲେଖକ ପରିଚୟ

ଡକ୍ଟର ମମତା ପ୍ରିୟଦର୍ଶିନୀ ସାହୁ
ଅଧ୍ୟାପିକା, ସରକାରୀ ଯୁକ୍ତଦୁଇ ବିଜ୍ଞାନ ମହାବିଦ୍ୟାଳୟ, ବାଲିଶଙ୍କରା, ସୁନ୍ଦରଗଡ | ସଦ୍ୟ ପୋଷ୍ଟ

ଅନ୍ୟ ଲେଖାଗୁଡ଼ିକ ପଢନ୍ତୁ

ଅସଂଖ୍ୟ କାତର ପ୍ରାର୍ଥନା
ଡାକ୍ତରଙ୍କ ଶତପ୍ରତିଶତ ଚେଷ୍ଟା
ଓ ମୋର ସମସ୍ତ ଜୋର ସତ୍ତ୍ବେ
ସେ ଚାଲିଗଲା ।

ଯାର ଯିବାର ଥାଏ
ତାକୁ କ’ଣ ଅଟକେଇ ହୁଏ ???
ଏଇ ଯେମିତି
ଗଂଗଶିଉଳି ର କ୍ଷଣିକ ସ୍ବପ୍ନ ,
ଆଉ ବି ମତୁଆଲା ଥଣ୍ଡା ପବନ।

ଏବେ ଖାଲି
ନିଃସଂଗତାର ଦର୍ପଣ ରେ
ଛାଇ ଛାଇକା ପ୍ରତିବିମ୍ବ,
ଆଉ ଫୁଲି ଫୁଲି ଉଠୁଥିବା
ଦୀର୍ଘଶ୍ୱାସ ।

ଆଖି ଦରଜା ଖୋଲୁ ଖୋଲୁ
ଧସେଇ ପଶେ
ତା’ରି କଥା , ତାହାରି ହସ ,
ପ୍ରେମ, କଳି ଝଗଡା, ଆଉ ମିଠା ଖଟା ଜୀବନ ସଂଗୀତ ।

ମରୀଚିକାକୁ ସାଉଁଟିବାର ପ୍ରୟାସ ,
ହଜିଯାଇଥିବା ସମୟକୁ ଧରି ରଖିବାକୁ ପ୍ରଚେଷ୍ଟା
ସବୁତକ ସମୟ ଆଜି ସେଇଥିରେ ମସଗୁଲ ,
କିଛି ବି ତ ନାହିଁ ଆଉ
କେମିତି ଯାଇଛି ଭୁଲି ???

ସୂର୍ଯ୍ୟ ଆଜି ତୃଷାର୍ତ୍ତ
ମୋ ପାଣି ଆଞ୍ଜୁଳା ଇଡିବାରେ
ସେ କଣ ଶୋଷି ନେଇପାରିବ
ମୋ ମୋହଭଙ୍ଗର କାଳିମା ???

ଯେତେ ପାଣିରେ ବୁଡିଲେବି
ଛାଡିଯିବକି ମୋ ଗାଲରୁ
ତା ଉତ୍ତପ୍ତ ନିଶ୍ୱାସ !
ଏ ହାତ ପାପୁଲି ଉପରୁ
ତା ନରମ ହାତର ସ୍ପର୍ଶ !

ଜୀବନଯାକ ଗାଧୋଉଥିଲେବି
ଛାଡିଯିବକି ଏ ମନ ଆଉ
ଦେହରେ ଜମିଥିବା ଧୂଳି !

ପ୍ରତି ମୁହୂର୍ତ୍ତ
ପ୍ରତିଟି କ୍ଷଣ
ପାଣି ଚହଲେ ,
ଅନବରତ ବର୍ଷା
ବିନା ମେଘ ଆଉ ବିଜୁଳି ରେ
କିଏ ବାଂଧିବ ବଂଧ
ନା ଅଛି ଧୈର୍ଯ୍ଯ !
ନା ଅଛି ସାହସ !

ଜାଣେ !
ଏ ସୂର୍ଯ୍ୟ ରହିଥିବ ଶୋଷିଲା
ନିରବଧି କାଳ ଯାଏ ,
ନିଶ୍ୱାସକୁ ଏ ଉଦାସୀନ
ପବନରେ ମିଳେଇବା ଯାଏ !

ମମତା ପ୍ରିୟଦର୍ଶିନୀ ସାହୁ


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ