ଅନିଶ୍ଚିତତାର ଆଲୁଅ – ରାଜେଶ କୁମାର ମୁଣ୍ଡ

ଲେଖକ ପରିଚୟ

ରାଜେଶ କୁମାର ମୁଣ୍ଡ
ଧର୍ମଗଡ, କଳାହାଣ୍ଡି | ସଦ୍ୟ ପୋଷ୍ଟ

ଅନ୍ୟ ଲେଖାଗୁଡ଼ିକ ପଢନ୍ତୁ

ଏହି ବିଷୟଟି 4 ଜଣ ପାଠକ ପଢି ସାରିଛନ୍ତି

ମହଣେ ମୋହରୁ ମୁକ୍ତି
ଚାଖଣ୍ଡେ ସୁଖକୁ ଚୁକ୍ତି କରି
ଚାଲିଆସିଛି,
ସୀମାହୀନ କୋଳାହଳତାରୁ
ମୌନତାର ମନ୍ଦିରକୁ ।
ଅନ୍ଧାରର ଅଘୋଷିତ
ଏନ୍ତୁଡ଼ିଶାଳରୁ
ଅନିଶ୍ଚିତତାର ଆଲୁଅକୁ
ଅଣଦେଖା କରି,
ଅଫରନ୍ତା ବାଟରେ
ଅବଧୁତଟିଏ ପରି ।।

ମିଥ୍ୟା, ପ୍ରବଂଚନାର ଦୁନିଆରେ
ସ୍ୱାର୍ଥ, ଲୋଭର ଇଲାକାରେ
କେତେ ଯେ ସାଲିସ କରିହେବ,
ସାମାନ୍ୟ ଜୀବନଟେ ଜୀଇଁବାରେ ।।

ଏଠି କେହି ନାହିଁ
ଲକ୍ଷ୍ମଣ, ଯୁଧିଷ୍ଠିର,
ପିତାମହ ଅବା ବିଦୁର ।
ସଭିଏଁ ଗୋଟେ ଗୋଟେ
ଶକୁନି, ଦୁର୍ଯ୍ୟୋଧନ
ଅବା ଧୃତରାଷ୍ଟ୍ର ,
ରାଜନୀତିର ଚଉସାର
ପରସ୍ତ ପରସ୍ତ ଅନ୍ଧକାର ।
ଯା’ ଭିତରେ ପଶିବାକୁ
ଯେତେ ସହଜ,
ମୁକୁଳିବାକୁ ସେତେ କଷ୍ଟ ।।


HTML tutorial
0 0 ରିଭିୟୁ
ପୋଷ୍ଟ ରେଟିଙ୍ଗ
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ