ଆଲୋ ନନ୍ଦରାଣୀ – ଅନ୍ତର୍ଯ୍ୟାମୀ ସାହୁ

ଲେଖକ ପରିଚୟ

ଅନ୍ତର୍ଯ୍ୟାମୀ ସାହୁ
ପଲମ, ନର୍ଲା, କଳାହାଣ୍ଡି | ସଦ୍ୟ ପୋଷ୍ଟ

ଅନ୍ୟ ଲେଖାଗୁଡ଼ିକ ପଢନ୍ତୁ

ଆଲୋ ନନ୍ଦରାଣୀ ହେଲୁକି ବାୟାଣୀ
କୃଷ୍ଣଙ୍କୁ ବୋଲୁତୁ ପୁଅ,
ନୁହେଁ ପୁତ୍ର ତୋର କର୍ତ୍ତା ବ୍ରହ୍ମାଣ୍ଡର
ସୃଷ୍ଟିର ପାଳନହାର ଲୋ ରାଣୀ
ପୁତ୍ର ସ୍ନେହରେ ହେଉ ବାୟାଣୀ ,ଲୋ ରାଣୀ | l
ପୁତ୍ର ପ୍ରେମରେ ହେଉ ଅନ୍ଧୁଣୀ, ଲୋ ରାଣୀ | l

କେଉଁ ଜନ୍ମେ କେତେ ତପସ୍ୟା କରିଲୁ
କୃଷ୍ଣଙ୍କୁ ପାଇଲୁ କୋଳେ,
ଜଗତର କର୍ତ୍ତା ଅନାଦି ଠାକୁର
ତୋକୋଳେ ଜନମ ହେଲେ ,ଲୋ ରାଣୀ ।
ମାଆ ଡାକତୁ ପାଇଲୁ ଶୁଣି, ଲୋ ରାଣୀ ।।

ସାରା ବିଶ୍ଵ ବ୍ରହ୍ମାଣ୍ଡ ଯାଗର୍ଭେ ପୁରିଅଛି
ତାକୁ ତୋ ଗର୍ଭେ ଧରିଲୁ ,
ଅନ୍ତଚିରି ଜାତ କରି ପୁଣି ତାକୁ
ସ୍ତନ ଭାଙ୍ଗି କ୍ଷୀର ଦେଲୁ ,ଲୋ ରାଣୀ।
କ୍ଷୀର ପିଅନ୍ତି ସେ ବେଣୁପାଣି, ଲୋ ରାଣୀ | l

ନିତି ତୋର ହାତେ ସବୁ ସେବା କରୁ
ବନମାଳୀ କାଳିଆକୁ,
ଖେଳାଇ ବୁଲାଇ ନାନା ଗୀତ ଗାଇ
ଦେଇ ସର ଲବଣୀକୁ, ଲୋ ରାଣୀ ।
ସ୍ନେହ ଶ୍ରଦ୍ଧାରେ ଭୂଞ୍ଜାଉ ପୁଣି ,ଲୋ ରାଣୀ | l

ଆଖି ପଳକରୁ କ୍ଷଣେ ଦୁରେ ଗଲେ
ବାତୁଳି ପ୍ରାୟକ ହେଉ,
ଚୋର ନିନ୍ଦା ଶୁଣି ସହିନ ପାରିଣ
କେତେ ମାଡ ଗାଳି ଦେଉ,ଲୋ ରାଣୀ।
ପୁଣି ବୋଲୁ ପୁତ୍ର ମୋ ନୟନମଣି, ଲୋ ରାଣୀ. I
ପୁତ୍ର ପ୍ରେମରେ ହେଲୁ ଅନ୍ଧୁଣୀ, ଲୋ ରାଣୀ,
ପୁତ୍ର ସ୍ନେହରେ ହେଉ ବାୟାଣୀ ଲୋ ରାଣୀ | l

ଅନ୍ତର୍ଯ୍ୟାମୀ ସାହୁ
ପଲମ/ନର୍ଲା/କଳାହାଣ୍ଡି


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ