ଲୁହ – ପବିତ୍ର କୁମାର ନାୟକ

ଲେଖକ ପରିଚୟ

ସମ୍ପାଦକ - | ବ୍ଲଗ | ସଦ୍ୟ ପୋଷ୍ଟ

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ହୃଦୟ ସାଗରେ ବିରହର ଢେଉ
ବହି ଆସେ ଅସୁମାରି
ମନ ବେଦନାରେ କୋହ ଧୀରେ ଧୀରେ
ଝରାଏ ଅଶ୍ରୁର ବାରି !!

ଅମାନିଆ ଆଖି ମାନେ ନାହିଁ କିଛି
ଲୁହର ଅକୁହା ଭାଷା
ଝର ଝର ହୋଇ ଝରିଗଲା ପରେ
ତୃପ୍ତ ହୁଏ ମନ ତୃଷା !!

ଝରିଯାଏ ଯେବେ ଆପଣାର କେହି
ଚାଲି ଯାଏ ବହୁ ଦୂର
କିଅବା ନିଜର ଅକାରଣେ ସାଥୀ
ହୋଇ ଯାଏ ଯେବେ ପର !!

ବହିଯାଏ ଯେବେ ଅମାନିଆ ହୋଇ
ଶୁଣେନା କାହାରି କଥା
ଛାତି ତଳ କୋହ ଆନମନା ହୋଇ
ଭାଙ୍ଗିଦିଏ ନିରବତା !!

ଏକା ଏକା ଯେବେ ଲାଗେ ଏ ଦୁନିଆ
ଛଳ ଛଳ ହୁଏ ଆଖି
ନିଃସଙ୍ଗତ ବେଳେ କେହି ନୁହେଁ ତା’ର
ଲୁହ ଏକା ତା’ର ସାଥୀ !!


ପବିତ୍ର କୁମାର ନାୟକ,
କେଲୁଆପଲ୍ଲୀ, ଗଞ୍ଜାମ


HTML tutorial

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ