ଜୀବନ ରାଧା – ଗୌରାଙ୍ଗ ଚରଣ ବେଉରା

ଲେଖକ ପରିଚୟ

ସମ୍ପାଦକ - | ବ୍ଲଗ | ସଦ୍ୟ ପୋଷ୍ଟ

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ପ୍ରେମ ଅଗଣାରେ ତୁମେ ମୋ ତୁଳସୀ
ଯୈାବନ କୁଂଜର ରାଧା,
ସଂଜ ନଇଁଗଲେ ତୁମେ ଲୁଚିଯାଅ
ପ୍ରେମ ରହିଯାଏ ଅଧା ॥

ରଜନୀ ପଦାଂକେ ବାସ ଭରିଦିଅ
ତୁମେ ମୋ ରଜନୀଗନ୍ଧା,
ବାସର ପଲଂକେ ମନ ମୟୁରାକ୍ଷୀ
ଚଇତି ପ୍ରେମରେ ବନ୍ଧା ॥

ସୁନ୍ଦରା ଫାଟିଲେ ତୁମେ ମୋର ଉଷା
କାଖରେ ଧରି କଳସୀ,
ଗଭାରେ ସଜାଇ କଦମ୍ବ କୁସୁମ
ଗୃହେ ଚଳ ମଦାଳସୀ ॥

ନାଲି ପଣତର ଧୋବ ଆଭରଣେ
ଆଳତି ଥାଳି ସଜାଡି,
ଲକ୍ଷ୍ମୀବୋହୁ ସାଜି ପୂଜା ଦେଇଥାଆ
ଆଶିଷ ଆଣ ଅଜାଡି ॥

ରନ୍ଧନ ମନ୍ଦିରେ ଲକ୍ଷ୍ମୀମାଆ ତୁମେ
ଅମୃତ ବ୍ୟଂଜନ ରାନ୍ଧି,
ଖୁସି ବାଣ୍ଟିଥାଆ ପରିବାର ଜନେ
ହଟାଇ ଦେଇଣ ଆନ୍ଧି ॥

ସେବା ମମତାର ପ୍ରତିମୂର୍ତ୍ତି ତୁମେ
ଭାବ ପୀରତି ପସରା,
ହସହସ ମୁଖେ ସ୍ୱର୍ଗ ପାରିଜାତ
ତୁଉ ମୋ ଲୋଟଣୀ ପାରା ॥


ଗୈାରାଙ୍ଗ ଚରଣ ବେଉରା, ଶିକ୍ଷକ,
କୁଲିଆମାଲ ଉଚ୍ଚ ବିଦ୍ୟାଳୟ, କୁଲିଆମାଲ


HTML tutorial

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ