ତୁମ ପରି କିଏ ହେବ – ପ୍ରଶାନ୍ତ କୁମାର ନାଥ

ଲେଖକ ପରିଚୟ

ପ୍ରଶାନ୍ତ କୁମାର ନାଥ
ସୁନ୍ଦରପୁର, ଉତ୍ତରକୂଳହାଟ, ପ୍ରୀତିପୁର, ଯାଜପୁର | ସଦ୍ୟ ପୋଷ୍ଟ

ଅନ୍ୟ ଲେଖାଗୁଡ଼ିକ ପଢନ୍ତୁ

ତୁମ ପରି କିଏ ହେବ
ଧନ ସୁନା ଡାକୁଥିବ
ରାଗିଗଲେ ଥରେ ମନେଇବା ପାଇଁ
ମିଠା କଥା କହୁଥିବ ॥

ତୁମ ପରି କିଏ ହେବ
ମିଠା କଥା କହୁଥିବ
ମନଟି ମୋହର ଉଦାସ ଦେଖିଲେ
ଓଠେ ହସ ଭରୁଥିବ ॥

ତୁମ ପରି କିଏ ହେବ
ଓଠେ ହସ ଭରୁଥିବ
ମୋର ଯଦି ଟିକେ ହୋଇଯାଏ କିଛି
ଲୁଚି ଲୁଚି କାନ୍ଦୁଥିବ ॥

ତୁମ ପରି କିଏ ହେବ
ଲୁଚି ଲୁଚି କାନ୍ଦୁଥିବ
ମୋତେ ଦେଖି ପୁଣି ହସିବାର ସତେ
ଅଭିନୟ କରୁଥିବ ॥

ତୁମ ପରି କିଏ ହେବ
ଅଭିନୟ କରୁଥିବ
ପାଟିକୁ ମୋହର ନରୁଚିଲେ କିଛି
ନିଜ ହାତେ ଖୋଉଥିବ ॥

ତୁମ ପରି କିଏ ହେବ
ନିଜ ହାତେ ଖୋଉଥିବ
ମୋ ନିଜଠାରୁ ମୋତେତ ଯେମିତି
ଭଲ ବେଶି ପାଉଥିବ ॥


ପ୍ରଶାନ୍ତ କୁମାର ନାଥ, ସୁନ୍ଦରପୁର, ଉତ୍ତରକୂଳହାଟ, ପ୍ରୀତିପୁର, ଯାଜପୁର,
ମୋ-୮୩୧୦୩୨୮୩୪୫


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ