କଥା ଓ ବ୍ୟଥା – ପ୍ରସନ୍ନ କୁମାର ମାଦଳା

ଲେଖକ ପରିଚୟ

ସମ୍ପାଦକ - | ବ୍ଲଗ | ସଦ୍ୟ ପୋଷ୍ଟ

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ପ୍ରସନ୍ନ କୁମାର ମାଦଳା
ଘର ନଂ – ଏଫ୍ /୧୩, ସେକ୍ଟର – ୪
ରାଉରକେଲା, ଦୂରଭାଷ – ୭୯୭୮୧୯୨୨୨୭

ଓଡ଼ିଆ ଭାଷାର ଛନ୍ଦ ଅଳଙ୍କାର
ଉପମା ଭୂଷିତ କରି
ଲେଖିଲି ଯେତେକ କବିତାକୁ ଦେଖ
ହେଲିନାହିଁ ଆନ ସରି ।
ପାଠକେ ଆଜିର ସରଳ ସୁନ୍ଦର
ସାବଲୀଳ ମିଠା ଗୀତ
ଅଧିକେ ପସନ୍ଦ କରନ୍ତେ ଆନନ୍ଦ
ଜାଣି ସାରିଲିଣି ମିତ ।
ତଥାପି ଦୂରୁହ ଅନୁପ୍ରାସ ମୋହ
ହୃଦୟରୁ ଛାଡୁ ନାହିଁ
ବୁଝେନି ସତରେ ସରଳ ଲେଖାରେ
ବାହାଦୁରୀ ଅଛି କାହିଁ !
ଭାବନାହିଁ ଅତି ଭାବକୁ ସାଇତି
ଲେଖିବାର ନାହିଁ ଜଣା
ଭାବ ଧରୁ ଧରୁ ପିଲାଟି ଦିନରୁ
ଭାବି ସିନା ଏତେ ବଣା ।
ପାଇଛି ପରଶ ଯେତେ ଅଛି ରସ
ଦେଖିଛି ନିକଟେ ଅତି
କବି ପଦେ ଯାଇ ଗଣା ହେବା ପାଇଁ
ବଳାଇ ନାହିଁ ମୋ ମତି ।
ଓଡ଼ିଆ ମୋ ଭାଷା ଉଚ୍ଚ ଶିକ୍ଷା ଆଶା
ପୂରଣ ହୋଇନି ବୋଲି
ଭାଷା ଅନୁରାଗ ଊଣା ନାହିଁ ଆଗ
କହି ଦେଉଅଛି ଖୋଲି ।
ମନେ ଭରି ଦମ୍ଭ କରିଲି ଆରମ୍ଭ
କବିତା ଲେଖିବା କଥା
ଦେଖାଇଲେ ପଥ ବନ୍ଧୁ ଯେ ସତତ
ଝୁଙ୍କାଉଥିବି ଏ ମଥା ।
ସ୍ନେହ ଶ୍ରଦ୍ଧା ବୋଳି ଆଶୀର୍ବାଦ ଢାଳି
ଦେଲେ ଯେଉଁ ଗୁରୁଜନ
ସେମାନଙ୍କ ପାଇଁ ଚିରଋଣୀ ହୋଇ
ଭକ୍ତିପୂତ ଥିବ ମନ ।
ପାଠକ ପାଠିକା ଦୋଷ ଥିଲେ ଏକା
କରିବ ହେ କ୍ଷମା ଦାନ
ସମୟ ଅଭାବେ ଊଣା ଥିଲେ କେବେ
ନକରିବ ହୀନିମାନ ।
ଭଞ୍ଜ ଜୟଦେବ କୃଷ୍ଣ ବଳଦେବ
ଆଦିଙ୍କ ପୟର ତଳେ
କୃପା କଲେ ବାଣୀ ଚାଲିବ ଲେଖନୀ
ଭାବକୁ ସଜାଇ ବଳେ ।


HTML tutorial

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ