ଓଡିଆଣୀ ହାତରନ୍ଧା – ଦହି ବାଇଗଣ

ଲେଖକ ପରିଚୟ

ସମ୍ପାଦକ - ବଣମଲ୍ଲୀର ମହକ | ବ୍ଲଗ | ସଦ୍ୟ ପୋଷ୍ଟ

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ଆବଶ୍ୟକୀୟ ସାମଗ୍ରୀ : ବାଇଗଣ, ଦହି, ତେଲ, ଅଦା, ରସୁଣ, କଞ୍ଚାଲଙ୍କା, ଶୁଖିଲା ଲଙ୍କା, ଲୁଣ, ହଳଦୀ, ପଞ୍ଚଫୁଟଣ ଓ ଭୃସଙ୍ଗ ପତ୍ର ।

ପ୍ରସ୍ତୁତ ପ୍ରଣାଳୀ : ପ୍ରଥମେ ଦୁଇଗୋଟି ବାଇଗଣକୁ ଚାରିଫାଳ କରି କାଟି ସେଥିରେ ଲୁଣ ଓ ହଳଦୀ ଗୋଳେଇ କିଛି ସମୟ ରଖନ୍ତୁ । ଚୁଲାରେ କଡେଇ ବସେଇ ସେଥିରେ ଆବଶ୍ୟକୀୟ ତେଲ ଦେଇ କଟାଫାଳ ବାଇଗଣକୁ ଛାଣି ନିଅନ୍ତୁ ।

ଅନ୍ୟ ଗୋଟିଏ ପାତ୍ରରେ ଦୁଇ କପ ବସାଦହିରେ ଏକ କପ ପାଣି ମିଶାଇ ଘାଣ୍ଟି ରଖନ୍ତୁ । ସ୍ୱାଦ ଅନୁସାରେ ଲୁଣ, ଚାରିଗୋଟିି କଟା କଞ୍ଚାଲଙ୍କା, ଏକ ଚାମଚ ଛେଚା ଅଦା ଏବଂ ଛଣା ହୋଇ ରଖାଯାଇଥିବା ବାଇଗଣକୁ ଦହି ସହିତ ମିଶାଇ ଦିଅନ୍ତୁ ।

ଏଥର ଗ୍ୟାସଚୁଲାରେ କଡେଇ ବସେଇ ଦୁଇ ଚାମଚ ତେଲ ନେଇ ଗରମ କରନ୍ତୁ । ସେଥିରେ ଏକ ଚାମଚ ପଞ୍ଚଫୁଟଣ, କିଛି ଭୃସଙ୍ଗ ପତ୍ର ଫୁଟେଇ ଦୁଇ ଚାମଚ ଛେଚା ରସୁଣକୁ ମିଶାଇ ଭାଜନ୍ତୁ । ରସୁଣ ଲାଲ ରଙ୍ଗ ହୋଇଯିବା ପରେ ସେହି ଫୁଟଣକୁ ପୂର୍ଵ ପ୍ରସ୍ତୁତ ଦହି ବାଇଗଣରେ ମିଶାଇ କିଛି ସମୟ ଘୋଡାଇ ରଖି ଗରମ ଗରମ ପରଶନ୍ତୁ ।

ବଣମଲ୍ଲୀର ମହକ ରୋଷେଇ ଘରୁ ପ୍ରସ୍ତୁତ ଦହି ବାଇଗଣର ସ୍ୱାଦ କେମିତି ଲାଗିଲା ମତାମତ ଦିଅନ୍ତୁ ।

ବଣମଲ୍ଲୀର ହାଣ୍ଡିଶାଳରୁ
ସସ୍ମିତା ନାୟକ, ନୟାପଲ୍ଲୀ, ଖୋରଧା

HTML tutorial

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ