ପାଦପଦ୍ମ

ଲେଖକ ପରିଚୟ

ସମ୍ପାଦକ - | ବ୍ଲଗ | ସଦ୍ୟ ପୋଷ୍ଟ

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ଶୁଭେନ୍ଦୁ ସାହୁ
କୁଶୁମାଟି, ଜଟଣୀ, ଖୋରଧା
ଦୂରଭାଷ: ୯୪୮୯୭୧୪୫୩୪

ଏଇ ପାଦ ଯିଏ ବୋହିଥିଲା ମତେ
ଦଶମାସ ଦଶଦିନ
ସହିଥିଲା ମୋର ସବୁ ଭାର
ଭୃଣରୁ ହେବାଯାଏ ଭୂମିଷ୍ଠ
ବିନା କିଛି ଆଶା ବିନା କିଛି ପ୍ରାପ୍ୟରେ
କରିଚାଲିଥିଲା ନିଜ କର୍ତ୍ତବ୍ୟ
ହୋଇ ସେ ଏକନିଷ୍ଠ ।

ଯାହାର ସୁବର୍ଣ୍ଣଭୂମିରେ ପାଦରଖି
ମୁଁ ପାଇଥିଲି ଠିଆ ହେବାର ଦମ୍ଭ
ଶିଖିଥିଲି ଚାଲିବାର କଳା
ଆଘ୍ରାଣ କରିଥିଲି ବାସ୍ଚଲ୍ୟ ମମତାର ମହକ ।

ଯାହାର ଧୂଳି ମୁଣ୍ଡରେ ବୋଳି
ମୁଁ ପାଇଛି ଅସୀମ ସାହସ, ଧୈର୍ଯ୍ୟ
ବରାଭୟ ହୋଇ ପାଇଛି ସବୁଥିରେ କୃତକାର୍ଯ୍ୟ ।

ସେଇ କୋମଳ ପାଦ ସହିଛି ବହୁତ ଆଘାତ
ଅତିକ୍ରମ କରିଛି ବହୁ କଣ୍ଟକିତ ପଥ
ସଜାଡିଛି ସାନନ୍ଦରେ, ସ୍ନେହରେ
ମୋ ପାଇଁ କୁସୁମିତ ଶେଯ ।

ହେ ପାଦ ପଙ୍କଜ
ମଥାନତ ମୁଁ ତୁମ ତ୍ୟାଗ ପାଇଁ
ଆଜୀବନ ଋଣୀ ମୁଁ
ତୁମ ଅଯାଚିତ ପ୍ରେମ ପାଇଁ ।

ହେ ସ୍ଵର୍ଣ୍ଣମୟୀ ଧୈର୍ଯ୍ୟମୟୀ
ମୋ ମାତୃ ପୟର
ସବୁ ଜନ୍ମେ ଚାହେଁ ମୁଁ ଏମିତି ଶ୍ରଦ୍ଧାରେ, ପ୍ରେମରେ
ବହନ କରୁଥାଅ ଭାର ମୋହର ।


HTML tutorial

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ