ପ୍ରତିଜ୍ଞା

ଲେଖକ ପରିଚୟ

ସମ୍ପାଦକ - | ବ୍ଲଗ | ସଦ୍ୟ ପୋଷ୍ଟ

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ମୀର ମୁସ୍ତାକିମ ଅଲ୍ଲୀ
କୋରାପୁଟ, ଦୂରଭାଷ- ୯୪୩୯୯୨୭୭୧୧

କନକ କିରଣ କହେ,
ପ୍ରଭାତୀ ସବିତାର ବାର୍ତ୍ତା
ଦେଖିପାରିବିନି ହୁତହୁତ ବିଶ୍ଵର ବହ୍ନି
କି ହେବ ଭବିଷ୍ୟତେ ॥
ପୋଲ ପୋଲ ହିଂସା, ଲୁଣ୍ଠନ,
କ୍ରୋଧ, ନରସଂହାର,
ନିତ୍ୟ ଲାଗିରହିଛି ଉଦ୍ଧାମଲୀଳା,
ଦୃଷ୍ଟି ଫେରିଲେ ଯେଉଁଠି
ରକ୍ତାକ୍ତ ଆତଙ୍କ ବିତା ବିତା ॥
କିଏ ଖୋଜେ ମଣିଷର ଦରଦ
କିଏ ଖୋଜେ ଗୋଳା ବାରୁଦ ॥
ଛୁଟୁଛି ନାଲି ରଙ୍ଗର ସୁଅ
ନୟନରୁ ପଡୁଛି ଝରି ଅଜସ୍ର ବାରିଧାରା
ଭଲ ଲାଗୁଛିକି
ଜୀବନ ସହ ଖେଳ ଖେଳିବା
ରକ୍ତର ବାତ୍ୟା ତାକୁ ଦେଖିବା ।
ଦରଦୀ ମଣିଷର ଦରଦ ନାହିଁ
ହାତରେ ବନ୍ଧୁକ କଲମ ନାହିଁ ॥
ଆଜି ଦେଖୁଛୁ ରକ୍ତ ବନ୍ଧୁକ ମୁନରେ
କିଏ ସେ ଆତତାୟୀ ପ୍ରଖର ଗତିରେ
କରି ଚାଲିଛି ବାତ୍ୟା ମଣିଷ ଜୀବନରେ ।
ଦ୍ରୌପଦୀ ଯେ କରିଥିଲା ଶପଥ
କୌରବ ଶୋଣିତେ ପଖାଳିବ କେଶ,
କରିବା ପ୍ରତିଜ୍ଞା
ଦ୍ରୌପଦୀ ସହ ତାଳ ମିଳାଇ
ଆତଙ୍କକୁ ଯେ ପର୍ଯ୍ୟନ୍ତ
ନଦେବା ନିଭେଇ
ତାଙ୍କ ରକ୍ତରେ ନ ଯିବା ଗାଧୋଇ
ବସିବା ନାହିଁ ଅଲଗା ହୋଇ ॥


HTML tutorial

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ