ମୁଁ ଓ ତୁମେ – ସୀମାଞ୍ଚଳ ରଣା

ଲେଖକ ପରିଚୟ

ସମ୍ପାଦକ - | ବ୍ଲଗ | ସଦ୍ୟ ପୋଷ୍ଟ

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ସିମାଞ୍ଚଳ ରଣା
ଗ୍ରାମ- କୁର୍ତ୍ତମଗଡ଼, ଥାନା- ତୁମୁଡିବନ୍ଧ, ଜିଲ୍ଲା- କନ୍ଧମାଳ

ତୁମେ ବିଗତ ଦିନର ଫିରିଙ୍ଗି ଶାସନ
ମୁଁ ନିର୍ଭୀକ ବାଜି ରାଉତ,
ତୁମେ ଯୁଗଟିଏ ପାଇଁ ଶାସନ କରି
ଦେଇଥିଲ କେତେ ଆଘାତ ॥
ତୁମେ ହୃଦୟ ସାଗରେ ଛଳନାର ଉର୍ମି
ମୁଁ ଓଳିତଳ ଜଳକଣା,
ମୁଁ ଶ୍ରାବଣ ର ସାଥେ ସବୁବର୍ଷ ଫେରେ
ତୁମେ ବର୍ଷବର୍ଷ ବାଟବଣା ॥
କିଏ ଜିତିଛି କିଏ ହାରିଛି ସେଦିନୁ
ତୁମେ ପଚାର ଏ ସମୟକୁ,
ତୁମେ ବିଗତ ଦିନର ମଉଳା ଗୋଲାପ
ଏବେ ସ୍ମୃତିର ବଗିଚା ମୁଁ ॥
ତୁମେ ମୋନାଲିସା ଛବି ବୁଝିବ କାହିଁ
ନିହାଣ ମୁନର ଆଘାତ,
ମୁଁ କୋଣାର୍କ ମନ୍ଦିର ଏବେବି ଜୀବନ୍ତ
ବାରଶହ ଶିଳ୍ପୀରେ ଖୋଦିତ ॥
ତୁମେ ତ ଅବୁଝା ଯାତନା ଜୀବନ
କୋମକ ତୁଳୀରେ ଅଙ୍କିତ
ମୁଁ ପ୍ରତି ମୁହୂର୍ତ୍ତେ କଷଣ ସହି
ନିହାଣ ମୁନରେ ଆହତ ॥


HTML tutorial

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ