ଭିନ୍ନ ଏକ ପୁଷ୍କରିଣୀ

ଲେଖକ ପରିଚୟ

ସମ୍ପାଦକ - | ବ୍ଲଗ | ସଦ୍ୟ ପୋଷ୍ଟ

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ବିକେଶ ସାହୁ
ଭୂଷଲାଡ଼,ସିନ୍ଧେକେଲା,ବଲାଙ୍ଗୀର
ଦୂରଭାଷ-୭୭୫୨୦୬୬୨୧୭/୯୯୩୭୧୫୩୧୭୯

ମୋ ଆଖି ଲୁହରେ ଗଢ଼ିଦେବି ପ୍ରିୟା
ଭିନ୍ନ ଏକ ପୁଷ୍କରିଣୀ
ହୃଦୟକୁ ମୋର କୋମଳ କରି ଗୋ
ସେଇ ଠାରେ ଦେବି ଥୋଇ ।
ହାଡ ସବୁରେ ମୋ ଗଢିବି ପାବଚ୍ଛ
ରକତେ ଦେଇ ରଙ୍ଗେଇ
ଛାତି ଟାକୁ ମୋର ପଦ୍ମପତ୍ର କରି
ସେଇଠି ଦେବି ସଜାଇ ।
ଆଖି ଦୁଇ ମୋର ସାଜି ନୀଳ କଇଁ
ସେଇ ଠାରେ ଥିବ ରହି
ତୁମ ମୁହଁ ଦେଖୁଥିବି ଅହନିଶି
ଆଗୋ ମୋର ଚାନ୍ଦମୁହିଁ ।
ଯେତେ ମୋ ଧମନୀ ପଦ୍ମ ନାଡ଼ ହୋଇ
ପୋଖରୀ ରେ ଥିବ ରହି
କର୍ଣ୍ଣ ଦୁଇ ମୋର ସାଜି ଗୋ ଶାମୁକା
ପଡି ରହିଥିବ ତହିଁ ।
ଦାନ୍ତ, ନଖ ଆଉ ଯେତେକ ଉପାସ୍ତି
ଚଟାଣ ତ ଥିବ ହୋଇ
ଚାଲି ଗଲେ ପାଦ ପକାଇ ତୁମେ ଗୋ
ଝଟକୁ ଥିବାଟି ସେଇ ।
ମୁଣ୍ଡ ବାଳ ମୋର ସାଜି ଗୋ ଜଗଳ
ଭାଷୁଥିବ ଏଠି ସେଠି
ଆଉ ବାକି ତକ ସାଜି ଚୁନାମାଛ
ଘୁରି ବୁଲୁ ଥିବେ ତହିଁ ।
ମୋ ଜୀବନ ଦାନେ ଗଢ଼ିଛି ପ୍ରିୟା ଗୋ
ଏ ତ ଭିନ୍ନ ପୁଷ୍କରିଣୀ
ଏଇଠି ବଞ୍ଚିଛି ବଞ୍ଚିଥିବି ମୁଁ ଗୋ
ପ୍ରିୟା ଏ ତୁମରି ପାଇଁ ।


HTML tutorial

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ