ମୁଁ ଗୋଟେ ଭିକ୍ଷୁବାଳା
ଲେଖକ ପରିଚୟ
ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।
ବଲବନ୍ତ ସାହୁ (ବବଲୁ )
ଭୂଷଲାର୍ଡ଼, ସିନ୍ଧେକେଲା, ଟିଟିଲାଗଡ଼, ବଲାଙ୍ଗୀର
ଦୂରଭାଷ-୯୦୭୮୧୦୫୨୩୪
ଶିକ୍ଷକ ଶିକ୍ଷା ପ୍ରଶିକ୍ଷଣ କେନ୍ଦ୍ର, ଟିଟିଲାଗଡ଼
ନାହିଁ ମୋର ବାପା
ନାହିଁ ମୋର ମାଆ
ନାହିଁତ ନିଜର କେହି
ନିଜେ ନିଜ ପିତା
ନିଜେ ନିଜ ମାତା
ଠିକଣା ମୋ ଅଟେ ଏହି ।
ନାହିଁ ମୋର ଭାଇ
ନାହିଁ ମୋ ଭଉଣୀ
ଦୁନିଆ ପଥେ ମୁଁ ଏକା
କ୍ଷଣେ କ୍ଷଣେ ସହେ
ଘାତ ପ୍ରତିଘାତ
ଇଜ୍ଜତ ପଡଇ ଫିକା ।
ମାଆ ନାହିଁ ବୋଲି
ଶିଖି ନାହିଁ କିଛି
ଭୁଲର ସ୍ରଷ୍ଟା ମୁଁ ଅଟେ
ମରି ମରି ଆଜି
ବଞ୍ଚିବା ଶିଖୁଛି
ପ୍ରାଣ ନଥିଲେ ବି ଘଟେ ।
ଦିନ ଦ୍ୱିପ୍ରହରେ
ଶିରେ ଥାଇ ରବି
ପଥ ଦିଶେ ଝାପ୍ସା ଝାପ୍ସା
କାନ୍ଦିବା , ଭାବିବା
ଛାଡିଦେଲେ ମୋର
ନାହିଁ କିଛି ପରିଭାଷା ,
ମୁଁ ଗୋଟେ ଭିକ୍ଷୁବାଳା ।
ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।