ସଂସାର ହାଟ – ଇଂ ଦୀପ୍ତି ରଞ୍ଜନ ପଣ୍ଡା

ଲେଖକ ପରିଚୟ

ଇଂ ଦୀପ୍ତି ରଞ୍ଜନ ପଣ୍ଡା
ଶ୍ରୀକ୍ଷେତ୍ର ବିହାର, ଆଇଗିଣିଆ, ଭୁବନେଶ୍ୱର | ସଦ୍ୟ ପୋଷ୍ଟ

ଅନ୍ୟ ଲେଖାଗୁଡ଼ିକ ପଢନ୍ତୁ

ଇଂ ଦୀପ୍ତି ରଞ୍ଜନ ପଣ୍ଡା, ନିର୍ବାହୀ ଯନ୍ତ୍ରୀ
ଜୁନାଗଡ ରାଇଟ କେନାଲ ଡିଭିଜନ, ଜୁନାଗଡ
ଦୂରଭାଷ – ୯୪୩୭୦୮୧୩୩୩

ସଂସାର ହାଟରେ ପସରା ମେଲାଇ
ବେଳ ଗଡିବାକୁ ଚାହିଁଛି ଅନାଇ ।
ବେଳେ ବେଳେ ମୁହିଁ ସାଜୁଛି ଗ୍ରାହକ
କେତେବେଳେ ମଧ୍ୟ ପସରା ମାଲିକ ।
ହାଟ ଆରମ୍ଭରେ ଜାଣେନାହିଁ କିଛି
କାନ୍ଦିବା, ହସିବା କେବଳ ଜାଣିଛି ।
ସଂସାର ହାଟରେ ଯେତେ କିଣାବିକା
ବେଳ ଗଡିବାର ପୂର୍ବୁ କରିପକା ।
ବିକିବା, କିଣିବା ଶେଷ ହେଲାପରେ
ଲାଭ ଅବା କ୍ଷତି ସବୁ ଜଣାପଡେ ।
ପୋକା ପରିବାକୁ ବାଛିଦେଇ ଯିଏ
ଭଲକୁ କେବଳ ଗରାଖକୁ ଦିଏ ।
ସେପରି ଲୋକର କ୍ଷତି ହେବନାହିଁ
ଲାଭ ସୁନିଶ୍ଚିତ ଦ୍ୱିଧା ରଖନାହିଁ ।
ବେଳ ଗଡିଗଲେ ଶେଷ ହୁଏ ହାଟ
ସରିଯାଏ ଆମ ସଂସାରର ନାଟ ।
ଲାଭ ଓ କ୍ଷତିର ବିଚାରକୁ ନେଇ
ପାପ ପୁନିଅର ଫଳ ମିଳିଥାଇ ।


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ