ମାଟି ମାଆର ଦୁଃଖ – ପ୍ରସନ୍ନ କୁମାର ମାଦଳା

ଲେଖକ ପରିଚୟ

ସମ୍ପାଦକ - | ବ୍ଲଗ | ସଦ୍ୟ ପୋଷ୍ଟ

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ପ୍ରସନ୍ନ କୁମାର ମାଦଳା
ଘ.ନଂ.- ଏଫ୍/ ୧୩ , ସେକ୍ଟର – ୪
ରାଉରକେଲା – ୭୬୯୦୦୨
ଫୋନ୍ – ୭୯୭୮୧୯୨୨୨୭

ଆସ ହେ ଧାଇଁ ଭଉଣୀ ଭାଇ ସହଳ ଦେଖ ଆସି
ଶୁଣ ସମସ୍ତେ ବଡ଼ ଆରତେ କାନ୍ଦେ କେ ଦିବାନିଶି ।

କାଲିର ରାତି ଆଜି ପାହାନ୍ତି ବେଳଠୁ କଇଁ କଇଁ
ଶୁଭୁଛି ତା’ର ବେଦନା ସ୍ବର ସକାଳେ ଗଲି ଧାଇଁ ।

ପ୍ରକୃତି ରାଣୀ କାନ୍ଦୁଛି ଶୁଣି ହେଲି ମୁଁ ଛଟପଟ
ଗାଆଁ ପାଖରେ ଗିରି ଉପରେ କରିଲି ଯାଇ ଭେଟ ।

କନ୍ଦରୁ ଗିରି କହିଲା ଠାରି ଆସରେ ପୁଅ ଆସ
କରିବି କିସ ଲାଗୁଛି ବିଷ ଆୟୁଷ ମୋର ଶେଷ ।

ଗରଭେ ମୋର ଅଛି ଧାତୁର ଭଣ୍ଡାର ବୋଲି ଜାଣି
ଦପ୍ତର ବାବୁ କହିଲେ ସବୁ ଖୋଳିବେ ଏଠି ଖଣି ।

ଆସିଲେ ଧାପେ କଳିଲେ ମାପେ ବହୁତ ଧନରାଶି
ଲଗାଇ କଳ ଯନ୍ତ୍ରର ବଳ ହାଣିବେ ଗଛ ଆସି ।

ଖୋଳିଣ ହୃଦ ଖଞ୍ଜି ବାରୁଦ ଲଗାଇଦେବେ ନିଆଁ
ଏକଥା ଶୁଣି କାନ୍ଦଇ ଗୁଣି ଲାଗେ ବଡ଼ ଛାନିଆଁ ।

ଦେହରୁ ମୋର ବହଇ ଝର ବିମଳେ ଶୁଦ୍ଧ ପାଣି
ଗଛ ଡାଳରେ ଫୁଲ ଫଳରେ ଭରିଛି ରସ ଜାଣି ।

ଆସି ମୋ କୋଳ ହୁଅନ୍ତି ଠୂଳ ବିବିଧ ପଶୁ ପକ୍ଷୀ
ତାଙ୍କରି କଥା ଭାଳି ଏ ବ୍ୟଥା ଲୁହେ ଭରିଛି ଆଖି ।

ଏକଥା ଶୁଣି ଭାବିଲି ପୁଣି ଉପାୟ କେଉଁ କଲେ
ପରିବେଶର ସୁରକ୍ଷା ଭାର ଉଠାଇ ହେବ ଭଲେ ।

ଜନମ ଦେଲା ମାଆଠୁ ଭଲା ବଡ଼ ଏ ମାଟି ମାଆ
ତାହାରି ପାଇଁ ସୁଖରେ ଥାଇ ବଢାଉ ଦେଶ ନାଆଁ ।

ହାତକୁ ହାତେ ଧରି ସମସ୍ତେ ଲମ୍ବା ଧାଡିଟେ କରି
କରି ଶୃଙ୍ଖଳ ଲଗାଇ ବଳ ରହିବା ଆମେ ଘେରି ।

ସବୁ ପ୍ରକାର ଛାଡିବା ଡ଼ର ବିରୋଧ କରି ଯେବେ
ଏ ସରକାର ପିଲାଙ୍କ ସ୍ବର ଶୁଣିବେ ଯାଇ ତେବେ ।


HTML tutorial

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ