ଲାଞ୍ଚୁଆ ଠାକୁର

ଲେଖକ ପରିଚୟ

ସମ୍ପାଦକ - | ବ୍ଲଗ | ସଦ୍ୟ ପୋଷ୍ଟ

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ବିକେଶ କୁମାର ସାହୁ
ଭୁସଲାର୍ଡ, ସିନ୍ଧେକେଲା, ବଲାଙ୍ଗୀର

ମୋ ଡାକ ଅବା କାହିଁକି ଶୁଣିବ
ତୁମେତ ପ୍ରଭୁ ହେ ଜଗତ ସାଇଁ
ମୁଁ ତ ଅକିଞ୍ଚନ ଅମଣିଷଟିଏ
ଦେବା ପାଇଁ ପାଖେ କିଛିବି ନାହିଁ ।

ଲାଞ୍ଚୁଆ ଠାକୁର ଲାଞ୍ଚେ ତୁମେ ମିଳ
କି ଦେଇ ଅବା ମୋହିବି ମତି
ଅଛିତ କେବଳ ହୃଦୟ ଟି ମୋର
ବିକି ସାରିଛି ଯା ତୁମରି କତି ।

ଶବରୀ ଠୁ ଲାଞ୍ଚ ଖାଇଥିଲ କୋଳି
ଦାସିଆ ଠୁ ଖାଇଥିଲ ନଡ଼ିଆ
ବିଦୁରର ଶାଗଭଜା ଖାଇଥିଲ
ମନେ କି ନାହିଁ ହେ ପ୍ରଭୁ ସେକଥା ।

ବାଲିରଥ ଗଢି ଭକ୍ତ ବଳରାମ
କରିଥିଲେ ପରା ତୁମକୁ ବଶ
କେଉଁ ଲାଞ୍ଚ ନେଇଥିଲ ତାଙ୍କ ଠାରୁ
କହିବ କି ପ୍ରଭୁ ଜଗତନାଥ ।

କେଉଁ ଦ୍ରବ୍ୟ ଦେଇ ମୋହିଥିଲା ମନ
ଘୋରବନୁ ତାରାବତୀ ହରିଣୀ
ସହସ୍ର ଯୋଜନୁ ଶୁଣିଥିଲ ଡାକ
ହେ ପ୍ରଭୁ ଲାଞ୍ଚୁଆ ଜଗତସାଇଁ ।

କେଉଁ ଲାଞ୍ଚ ଅବା ଦେଇଥିଲା ଗଜ
ରଖିଲ ପ୍ରଭୁ ହେ ତାଙ୍କ ଜୀବନ
ପେଶି ସୁଦର୍ଶନ ଗ୍ରାହକୁ ନାସିଲ
କହ କହ ଆଜି ହେ ଭଗବାନ ।

କୁରୁସଭା ତଳେ ଡାକିଲେ ଦ୍ରୌପଦୀ
କୋଟି ବସ୍ତ୍ର ତାଙ୍କୁ କରିଛ ଦାନ
କେଉଁ ଲାଞ୍ଚ ନେଇଥିଲ ତାଙ୍କ ଠାରୁ
କହିବ କି ହେ ପତିତ ତାରଣ ।

ମୁଁ ଅତି ଗରିବ କିଛି ନାହିଁ ମୋର
ଯାହା ଅଛି ପ୍ରଭୁ ସବୁ ତୁମର
କେଉଁ ଦ୍ରବ୍ୟ ଲାଞ୍ଚ ଦେବିବା ତୁମକୁ
ଭକ୍ତି ଅର୍ଘ୍ୟ ଘେନ ବିଶ୍ୱସମ୍ରାଟ ।।


HTML tutorial

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ