କବିତା – ତୁମେ ଆସିଲେ – ସିଦ୍ଧେଶ୍ଵର ତ୍ରିପାଠୀ

ଲେଖକ ପରିଚୟ

ସିଦ୍ଧେଶ୍ଵର ତ୍ରିପାଠୀ
ଠିକଣା : କୁଣ୍ଡିଲୋ, କେରଙ୍ଗ, ଖୋରଧା | ସଦ୍ୟ ପୋଷ୍ଟ

ଅନ୍ୟ ଲେଖାଗୁଡ଼ିକ ପଢନ୍ତୁ

ଯେତେବେଳେ ତୁମେ ଆସ
ଏଇ ଭାବନାରେ
ସେତେବେଳେ ଜଣାପଡେନି ରାତି
ଜଣା ପଡେନି ଦିନ
କୁଆଡେ ଉଭେଇ ଯାଏ
ପେଟ ଆଉ ପେଟ ତଳର ଭୋକ
ରଙ୍ଗୀନ ଲାଗେ ମୋ ଗାଁ
ରଙ୍ଗୀନ ଲାଗେ ତୁମରି ସହର ।

ଖରା ରେ ଲୋଡ଼ା ପଡେନି
ପଙ୍ଖାର ପବନ
ବରଷାରେ ଛତା ଅବା
ଶୀତରେ ଚାଦର
କାରଣ ତୁମେତ
କୃଷ୍ନଚୁଡା ହସ
ତୁଠର ଶିଉଳି
ଫୁଲେଇ କାକର ।

ଶୋଷ ଆଉ ନିଦ
ଏ ଦୁହେଁ ତ ମାଡ଼ନ୍ତିନି ପାଖ
ତୁମେ ଥିଲେ ସେମାନେ
ମୋତେ ଛୁଇଁବାକୁ
ଖୋଜନ୍ତି ଅଲଗା ତାରିଖ ।

ଦେହ ସତେଜ ହୋଇଉଠେ
ଆପେ ଆପେ ଲିଭିଯାଏ
ମନର ଦରଜ
ମୁଁ ପ୍ରେମ ମୟ ହୋଇଯାଏ
ତୁମକୁ ସେମିତି ନିରେଖି
ଚାହିଁ ରହିଥାଏ
କିଛିବି ଫରକ ପଡେନି ମୋତେ
ତୁମ ମୁହଁ ହସିଲେ କି
ହେଲେ ଲାଜ ଲାଜ ।


ରଚନା : ସିଦ୍ଧେଶ୍ବର ତ୍ରିପାଠୀ

ଠିକଣା : କୁଣ୍ଡିଲୋ, କେରଙ୍ଗ, ଖୋର୍ଦ୍ଧା,  ଦୂରଭାଷ : 8018646704


HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ