କବିତା – ଆଣ ଯାଇ ପାଶେ ଲୋଡ଼ି

ଲେଖକ ପରିଚୟ

+ ଏହି ଲେଖକଙ୍କର ଅନ୍ୟ ଲେଖା ପଢିବାକୁ [ଏଠାରେ କ୍ଲିକ କରନ୍ତୁ]

କି କରିବି ବୁଦ୍ଧି ଦେଖା ଗୋ ସଜନୀ
କି କରିବି ବୁଦ୍ଧି ଦେଖା ,
କେଉଁ ପରକାରେ ଶ୍ୟାମଙ୍କୁ ତୋଷିବି
ସେ ମୋର ପରାଣ ସଖା ।
କେତେଦିନ ହେଲା ପାଇନାହିଁ ଭେଟ
ମରମ ହେଲାଣି ଦହି ,
ମନ ତଳରେ ମୋ ଅକୁହା ଭାବନା
ଚାପି ହୋଇ ଅଛି ରହି ।
ଯମୁନା କୂଳକୁ ଗଲାବେଳେ ସଖି
ନଜର ରହୁଛି ମୋଠି ,
ବୃନ୍ଦାବନ ଅବା କଦମ୍ବ ମୂଳରେ
ପାରୁନାହିଁ ତେଣୁ ଭେଟି ।
ଧୈର୍ଯ୍ୟ ଧରିବାକୁ ଶକତି ନାହିଁ ମୋ
ହଂସା ଯାଉଅଛି ଉଡ଼ି ,
କିଏ ଯାଇ ମୋର ପରାଣ ବନ୍ଧୁଙ୍କୁ
ଆଣ ଯାଇ ପାଶେ ଲୋଡ଼ି ।

ମାମୁରିଆ, ଛେଣ୍ଡିପଦା, ଅନୁଗୋଳ ।

Leave a Reply

Your email address will not be published. Required fields are marked *