ହେ ସ୍ୱାସ୍ଥ୍ୟ ଦିବସ – ନାରାୟଣ ଚନ୍ଦ୍ର ସେନାପତି

ଲେଖକ ପରିଚୟ

ସମ୍ପାଦକ - ବଣମଲ୍ଲୀର ମହକ | ବ୍ଲଗ | ସଦ୍ୟ ପୋଷ୍ଟ

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ହେ ସ୍ୱାସ୍ଥ୍ୟଦିବସ
କାହିଁ ଆସ ତୁମେ ଏ ଅସୁସ୍ଥ ପୃଥିବୀକୁ
ପାଳିବାକୁ ଶରଧାରେ
ତୁମ ସ୍ୱନକ୍ଷତ୍ର ଦିବସ।
ତୁମେ କ’ଣ ଜାଣିନ
ଧୂଳି,ଧୂଆଁ,ଜୀବାଣୁ,ବିଦ୍ଯୁତ୍ ତରଙ୍ଗରେ 
ରୋଗାକ୍ରାନ୍ତ ଏ ସମୀର
ମଳ,ଶବ,ମଇଳାରେ ଅକର୍ମଣ୍ୟ ଏ ଜଳ
ସାର,ବିଷ,ଆବର୍ଜନାରେ ଅମ୍ଳଯୁକ୍ତ ଏ ଭୂମି
 ଅମ୍ଳଜାନ ଶୁଷ୍କ  ଅଙ୍ଗାରକାମ୍ଳ ରୁଦ୍ଧ ଏ ବାୟୁମଣ୍ଡଳ
ଫେରିଯାଅ 
ନଚେତ୍ ଅସୁସ୍ଥ ହୋଇ
କୋମାରେ ଚିକିତ୍ସିତ ହେବ ଏ ପୃଥିବୀରେ।
ତୁମେ ଟିକେ ନିବେଦନ କର ତପନକୁ
କରନ୍ତୁ ବାରଣ ସେ ଅତି ବାଇଗଣି ରଶ୍ମିକୁ
ଦିଅନ୍ତୁ ଦରଖାସ୍ତ ବରୁଣ,ପବନ ଓ ବସୁଧାକୁ
ନିର୍ମଳ ରଚିବେ ଆବାହନୀ ଆସ୍ଥାନକୁ।
ଆଜି ବିଜ୍ଞାନ ଥାଇବି ମାନବ ଅଜ୍ଞାନ
ଲୋଭେ ଗ୍ରାସେ କିବା ଅଭାବେ ହୁଏ ବଞ୍ଚିତ
ନିୟନ୍ତ୍ରଣ କରି ମେଦବହୁଳ ଓ ଅପପୁଷ୍ଟିକୁ
ଭୁଲିଯାଏ ସେ ସୁଷମ ଖାଦ୍ୟ
ନିୟମିତତା ଓ ଖାଦ୍ୟଗ୍ରହଣ
ଅର୍ଥର ଗୋଲାମ ସାଜି
ହାତଠାରି ଡାକେ
କର୍କଟ ରକ୍ତଚାପ କି ହୃଦରୋଗକୁ ।
ହେ ମହାନୁଭବ
ସଚେତନ କରାଅ ଅଧମକୁ
ଦିଅ ଶିକ୍ଷା 
ସ୍ୱଚ୍ଛ ପରିବେଶ ସୁସ୍ଥ ଜୀବନ
ଦିଅ ଦୀକ୍ଷା
ଆଦର୍ଶ ଦିନଚର୍ଯ୍ୟା ସରଳ ଜୀବନ
ଶରୀର ମନ ଆତ୍ମାକୁ  ସୁସ୍ଥ କରି
ଆରୋହଣ କର ଏ ଧରାଧାମକୁ
ଆବାହନ କର ସୁସ୍ଥସମାଜକୁ
ପାଳନ କର ବିଶ୍ୱ ସ୍ୱାସ୍ଥ୍ୟସମାଜ।
 
ନାରାୟଣ ଚନ୍ଦ୍ର ସେନାପତି
ସମ୍ପାଦକ, ସୁନ୍ଦର ମୋ ଭାଷା ସାହିତ୍ୟ

HTML tutorial

ବଣମଲ୍ଲୀର ମହକ ହେଉଛି ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର ଯାହା ସମଗ୍ର ବିଶ୍ଵର ଓଡିଆ ଲେଖକ ଓ ପାଠକ ମାନଙ୍କୁ ଏକ ଭର୍ଚୁଆଲ ସମ୍ପ୍ରଦାୟରେ ଏକତ୍ରିତ କରିଥାଏ ।

ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ