କବିତା – ତୁମସହ ଭାବ ଥାଉ – ବି. ନିରୁପମା

ଲେଖକ ପରିଚୟ

ବି.ନିରୁପମା
ମାମୁରିଆ, ଛେଣ୍ଡିପଦା, ଅନୁଗୋଳ | ସଦ୍ୟ ପୋଷ୍ଟ

ତୁମେ ସରଜିଛ ସବୁ ତ ସଂସାରେ
ପୂଜିବି କି ଦେଇ ଆଉ ,
ଏତିକି କରୁଣା କରିଥାଅ ନାଥ
ତୁମ ସହ ଭାବ ଥାଉ ।
ଜଳ,ସ୍ଥଳ,ନଭ,ନକ୍ଷତ୍ର ଗଢ଼ିଛ
ତୁମେ ତ ଜଗତ ହିତେ ,
ସବୁଜ ସୁନ୍ଦର ପ୍ରକୃତି ସୃଜିଛ
କେତେ କଉଶଳେ ସତେ !!
ମନ ଜିଣା କେତେ ଫୁଲ ଫୁଟାଇଛ
ସୁବାସ ଦେଇଛ ଭରି ,
ଯେତେ ଯାହା ସଙ୍ଗେ ତୁଳନା କରିଲେ
କିଏ ହେବ ତୁମ ସରି !!
ଧରା ପରେ ଶ୍ରେଷ୍ଠ ଜନମ ଦେଇଛ
ତୁମେ ପରା ନାଥ ମୋତେ ,
ଏ କଥାଟି ହେଜ ରଖିକରି ମୁହିଁ
କରୁଛି କରମ ଯେତେ ।
ହେ ପରାଣ ବନ୍ଧୁ କୃପା କରିଥାଅ
ତୁମଠି ଥାଉ ମୋ ଚିତ୍ତ ,
ମାଗୁନାହିଁ ଜମା ସରଗର ସୁଖ
କିବା ମୁଁ ଅସରା ବିତ୍ତ ।
ମାମୁରିଆ, ଛେଣ୍ଡିପଦା,ଅନୁଗୋଳ ।

HTML tutorial
ଆପଣଙ୍କ କମେଣ୍ଟ ଉତ୍ତର ପାଇବାକୁ ସବ୍ସକ୍ରାଇବ କରନ୍ତୁ
ମତେ ଜଣାନ୍ତୁ
guest
0 କମେଣ୍ଟ
ଇନଲାଇନ ଫିଡବ୍ୟାକ
ସମସ୍ତ କମେଣ୍ଟ ଦେଖନ୍ତୁ