ଭାବିଥିଲି ଦିନେ ମନ ଆକାଶରେ
ଫୁଟାଇବି ତାରା ଫୁଲ
କେହି ନକହିଲେ ବି ତୁମେ କହିଦେବ
କବି ପ୍ରିୟ ମୋର ଭଲ
ଭାବିଥିଲି ଦିନେ ମନ ଆକାଶରେ.... ! ୦ !
ଭସା ବାଦଲରେ ହସ ଉକୁଟିବ
ଅନୁଗାମୀ ତୋଫା ଜହ୍ନ
ବାଙ୍କ ଚାହାଣିରେ ତୁମ କାହାଣୀକୁ
ଲେଖିଦେବି ଓଠେ ଚିହ୍ନ
ସରମରେ ତୁମେ ନରମୀ ଗୋ ଯିବ
ଆଉଜି ମୋ ଛାତି ଗେଲ
ଭାବିଥିଲି ଦିନେ ମନ ଆକାଶରେ.... ! ୧ !
ମାୟାଧର 'ଧୂପ' ତୁମେ ଚିତ୍ରଲେଖା
ଅଳସର ହେମ ଗୋରୀ
ପ୍ରଣୟର ରଙ୍ଗ ଫିକା ପଡ଼ିବନି
କରିଦେଲ ଚୁକ୍ତି ଭାରି,
ଜୀବନ ମୋ ଧନ୍ୟ ହୋଇଗଲା ସତେ
ପାଇଗଲି କବି ମୂଲ
ଭାବିଥିଲି ଦିନେ ମନ ଆକାଶରେ.... ! ୨ !
ରାଜ ରଣପୁର, ଜିଲ୍ଲା-ନୟାଗଡ଼,
ଦୂରଭାଷ- ୯୩୪୮୦୫୪୩୦୦
댓글