ଚିଠି ମୋର ଟିକି ଚଢ଼େଇ

ଅନେକ ସମୟରେ ଅନେକ ପ୍ରଶ୍ନ ପଚାରୁଥିବା ଗୁଡ଼ୁ ସେଦିନ ଆକାଶକୁ ଚାହିଁ ଠିଆ ହୋଇଥାଏ । ‘ମୁଁହଁ କାହିଁ ଶୁଖେଇଛୁ ପୁଅ’ ବୋଲି ତା ମାଆ ପଚାରିବାରୁ ଗୁଡ଼ୁ କହିଥିଲା, ଜେଜେ ଆଉ କାହିଁକି ଫେରୁ ନାଁହାନ୍ତି ମାଆ? ସେ ଗଲାପରଠୁ ଜେଜେମାଆ ଆଉ ଗପ କହୁନିକି ଗୀତ ବୋଲି ଶୁଆଇ ଦେଉନି । ମୁଣ୍ଡ କୁଣ୍ଡେଇ ସିନ୍ଦୁର କି ଅଳତା ପିନ୍ଧୁନି । ମତେ ମଧ୍ୟ ଆଉ କେହି ନାଉ କରିବାକୁ ନାଁହାଁନ୍ତି । ତୁମେ ଜାଣ ମାଆ! ଜେଜେ ମତେ ପ୍ରତିଦିନ କିଛି ଖୁଚୁରା ପଇସା ଦିଅନ୍ତି ଓ ସେହି ପଇସାରେ କିଛି ଭଲ କାମ କରିବାକୁ କହନ୍ତି । ସେ ଜାଣିଥିଲେ ତୁମେ ମତେ ଖୁବ ଭଲ ଭଲ ଟିଫିନ କରି ଦିଅ । ବାପା ମଧ୍ୟ ମୋ ପାଇଁ ବହି, ଖାତା, ଭଳି ଭଳି କଲମ, ପେନସିଲ ରବର ସବୁ ଆଣି ଦେଇଥାନ୍ତି । ମତେ ଜେଜେ ଖୁଚୁରା ପଇସା ଦେଲେ ମୁଁ ନେବାକୁ ମନା କରେ ତ ସେ କହନ୍ତି ରଖିଥା, ସେ ପଇସାରେ କିଛି ଗୋଟେ ଭଲ କାମ କରିବୁ.. ।